Gleis

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Gleis as festi Fahrbahn mit Linieleiter
Gleis mit Holzschwelle
Dramgleis mit Rilleschiine währed em baue

S' Wort Gleis isch abgläitet vum Ziitwort „gleite“. Schu vor Jahrhunderte het mer mängmal us schtäinige Böde Rille gschlage, zum d' Handwäge besser chänne befördere - vor Allem i de Bergwärch. Fuerwärch, wo vu Ross zoge wärded, händ dur regelmässig's Befare d' Strasse eisiitig abgnützt, und so sind unbeabsichtiget Gleis entschtande.

Hüt verschtuut mer under 'me Gleis vor Allem d' Spur vu-n-ere Ysebahn. Das chan en Zuug, es Tram, e Standsailbahn ober e Wärksbahn si. Näb de Streggägleis git's au vill Rangschiergleis und privati Gleisaaschlüss für Gschäfter - das macht de Güetervercheer äifacher. Si werdäd i verschidene Schpuurwiitene aagläit - das isch d'r Fachuusdrugg bi d'r Ysebahn für ä Gleisbreiti. Am wiitischte verbräitet sind d' Meterspur und d' Normalspur, das sind 1435 Millimeter.

Es git näb de Ysebahn au spurchranzgfüehrti Liniäbüs, aber das isch eher sälte.

Äs wiiters Bischpil sind di sogenannte Träidelbahne. Dänn werdäd Schiff, wu uf-eme Kanaal schwimmed, vu 'me motorisierte Schinäfahrzüüg zoge.

Weblink[ändere | Quälltäxt bearbeite]

 Allmänd (Commons): Gleis – Sammlig vo witere Multimediadateie