Michael Theurillat

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch

Dr Michael Theurillat (1961 z Basel uf d Wält cho) isch e Schwizer Autor vo Krimi.

Lääbe und Wärk[ändere | Quälltäxt bearbeite]

Dr Michael Theurillat het Wirtschaftswüsseschafte, Kunstgschicht und Gschicht studiert.[1] Er het in Finanzwüsseschaft bromoviert und het bim Schwizerische Bankeveräin gschafft. Er isch an dr Fusion vom Bankveräin mit dr Schwizerische Bankgsellschaft involviert gsi, und isch Managing Director vo dr UBS worde. Im Joor 2000 het er bi dr Bank kündet zum Zit für zum Schriibe haa.[2]

Dr Theurillat schribt Kriminalromään. Dr Protagonist vo sine Gschichte isch dr Kommissar Eschenbach vo dr Zürcher Bolizei. Er het bis jetzt (2012) vier Romään uusegee, wo kommerziell seer erfolgriich gsi si. S dritts Buech Sechseläuten isch uf en erst Blatz vo dr Schwizer Bestsellerliste choo, wo s erschiine isch. Noch dr Basler Zitig isch er äine vo de erfolgriichste Schwizer Krimiautoore.[2]

Blagiaatsvorwurf[ändere | Quälltäxt bearbeite]

Im Joor 2011 het Der Bund gschriibe, ass dr Theurillat in sim Romaan Rütlischwur Text us dr Wikipedia abgschriibe häig, ooni d Kwelle aazgee.[3]

Wärk[ändere | Quälltäxt bearbeite]

Kwelle[ändere | Quälltäxt bearbeite]

Fuessnoote[ändere | Quälltäxt bearbeite]

  1. «Erstlingsroman im Lesezirkel» im St. Galler Tagblatt vom 24. Novämber 2010, abgrüeft am 11. Dezämber 2011
  2. 2,0 2,1 Bröhm, Alexandra «Dass sich Sepp Blatter nicht meldet, zeugt von Grösse» in dr Basler Zitig vom 2. Juni 2009, abgrüeft am 11 Dezämber 2011
  3. Zweifel, Philippe, «Die Wörterdiebe» in Der Bund vom 8. Dezämber 2011, abgrüeft am 11. Dezämber 2011