Melierdialog

Dr Melierdialog isch e Bezäichnig für e berüemti Episode im Gschichtswärk „Dr Peloponnesisch Chrieg“ vom antike griechische Historiker Thukydides. Dr Dialog zwüsche de Verdräter vo Athen und deene vo Melos gältet, wie alli Dialog noch em Methodekapitel (1,23), nit as wörtligi, sondern, je noch Interpretazioon, as sinngmäässi Widergoob oder as Argumentazioon vom Thukydides sälber.

Dr Melierdialog (Buech V. Kap. 84-116) isch im Umfang nooch nume e seer chliine Däil vom ganze Wärk. Si Bedütig isch aber riisig, wil er dütlig macht, was d Hegemonialpolitik vom antike Athen aadriibe het und zäigt, was d Situazioon vo „Drittstaate“ gsi isch, wo sich wie Melos us em Chrieg zwüsche Athen und Sparta häi welle uusehalte. D Athener häi Melos belaageret und noch dr Kapitulazioon vo dr Insle alli melische Manne umbrocht und alli Fraue und Chinder versklavt. D Verrohig und d Verachdig für Sitte und Wärt, wo e Folg vom Chrieg si, stöön klaar uuse und au d Gränze vo dr Macht dur dr Fäldzug in Sizilie, wo denn choo isch.

Übersetzige

• Thukydides. Der Peloponnesische Krieg. Uusegee vom Georg Peter Landmann. Artemis & Winkler, Düsseldorf 2002 (ND), ISBN 3-7608-4103-1.

Litratuur

• Michael G. Seaman: The Athenian Expedition to Melos in 416 B. C. In: Historia 46, 1997, S. 385–418.
• Nicolas Stockhammer: Die Dialektik politischer Macht. Der Melierdialog im Lichte aktueller Machttheorien. In: Internationale Zeitschrift für Philosophie (IZPh) 15, 2006, S. 23–43, ISSN 0942-3028
• Wolfgang Will: Der Untergang von Melos. (Machtpolitik im Urteil des Thukydides und einiger Zeitgenossen). Habelt, Bonn 2006. ISBN 3-7749-3441-X.

Weblingg

• Synopse vom Egon Gottwein, latiinisch/griechisch/dütsch
• Sixteenth Year of the War - The Melian Conference - Fate of Melos (änglisch)

Dä Artikel basiert uff ere fräie Übersetzig vum Artikel „Melierdialog“ vu de dütsche Wikipedia. E Liste vu de Autore un Versione isch do z finde.