Antike

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Forum Romanum, s Zentrum vom alte Rom, wo bis hüt d Kultur und d Politik vor allem in Weschd- und Middeleuropa beiiflusst.

Der Begriff Antike isch abgleitet vom latinische antiquus, uf dütsch: »alt, alterdümlig«. Gschichtswüsseschaftler meine drmit die gschichtlig erfassbari Ziit vo de Kulture ums Middelmeer und im Middlere Oschde bis ungfähr zum Afang vo dr Verbreitig vom Islam.

D Antike im ängere Sinn bezieht sich uf d Gschicht vo Griecheland, im hellenische Middelmerruum und em römische Riich. Si underscheidet sich vo dr Ziit vorher und nochher und vo andere Regione dur gemeinsami politischi und kulturelli Draditione.

Im wiitere Sinn redet mä mänggisch vo dr Antike, wenn mä d Gschicht vom alten Ägypte, vo Mesopotamie, Syrie, Persie und Chliiasie sit em vierte und dritte Johrdusig vor dr Ziitwändi meint, vo wenn mä schriftligi Dokumänt het. Im allgemeine wird dr Begriff ‚Alterdum’ für die Ziit vorzoge.

Lueg au[ändere | Quälltäxt bearbeite]