Belaagerig vo Melos

Us der alemannische Wikipedia, der freie Dialäkt-Enzyklopedy
D Belaagerig vo Melos
Deil vo: Peloponnesisch Chrieg
Datum 416 v. d. Z.
Ort Melos in dr Egeis
Usgang D Versklavig vo dr Bevölkerig
Folge Die Sizilischi Expedizioon
Konfliktparteie
Athen, Chios, Lesbos Melos
Befählshaber
Kleomedes, Teisias; Philokrates
Truppesterki
38 Schiff;
2'700 Hoplite, 300 Schütze, 20 Ritter
chlii
Verlust
wenigi Manne Alli erwaggsene Manne si umbrocht worde

D Belaagerig vo Melos isch en Episode im Peloponnesische Chrieg gsi, wo sich im Joor 416 v. d. Z. abgspiilt het, im fümfte Joor vom Zwüschefriide, wo d Groossmächt Athen und Sparta abgschlosse häi. Dr Historiker Thukydides het dr Kampf um Melos im sogenannte Melierdialog in sim Gschichtswärk beschriibe.

D Athener si mit ere Flotte vo 38 Triere (drunder au Verbündeti us Chios und Lesbos) uf Melos glandet, zum d Insle z underwärfe, wo bis denn im Chrieg nöitral bliibe isch und nid het welle Mitgliid im Attische Bund wärde, wil si e Kolonii vo Sparta gsi isch.

D Oligarche, wo Melos beherrscht häi, häi d Bedingige vo de Athener abgleent und die häi Melos belaageret. Wo d Melier schliesslig kapituliert häi, häi d Athener alli erwaggsene melische Manne umbrocht und d Fraue und d Chinder in d Sklaverei verchauft.

Übersetzige[ändere | Quälltäxt bearbeite]

  • Thukydides. Der Peloponnesische Krieg. Herausgegeben von Georg Peter Landmann. Artemis & Winkler, Düsseldorf 2002 (ND), ISBN 3-7608-4103-1.

Litratuur[ändere | Quälltäxt bearbeite]

  • Michael G. Seaman: The Athenian Expedition to Melos in 416 B. C. In: Historia 46, 1997, S. 385–418.
  • Nicolas Stockhammer: Die Dialektik politischer Macht. Der Melierdialog im Lichte aktueller Machttheorien. In: Internationale Zeitschrift für Philosophie (IZPh) 15, 2006, S. 23–43, ISSN 0942-3028
  • Wolfgang Will: Der Untergang von Melos. (Machtpolitik im Urteil des Thukydides und einiger Zeitgenossen). Habelt, Bonn 2006. ISBN 3-7749-3441-X.

Weblingg[ändere | Quälltäxt bearbeite]