Matterhorn

Matterhorn
	Ost- und Nordwand vom Matterhorn, an dr Liecht-/Schattegränze vom Hörnligroot
Höchi	4'478 m ü. M.
Lag	Gränze Kanton Wallis (Schwiiz) / Brovinz Aosta (Italie)
Gebirg	Walliser Alpe
Dominanz	13,7 km → Liskamm-Westgipfel
Schartehöchi	1'031 m ↓ Col Durand
Geografischi Lag	(617049 / 91670)45.9763888888897.65861111111114478Koordinate: 45° 58′ 35″ N, 7° 39′ 31″ O; CH1903: (617049 / 91670)
Erschtbstiigig	14. Juli 1865 dur e Edward Whymper

Dä Artikel beschäftigt sich mit em Matterhorn in de Walliser Alpe; zu andere Bärg mit däm Name lueg Matterhorn (Begriffsklärung).

pd5

S Matterhorn (walliserdütsch ds'Hore, italiänisch Monte Cervino oder Cervino, französisch Mont Cervin oder Le Cervin) isch 4478 Meter hoch und eine vo de höchste Bärg in de Alpe. Wäge siiner markante Form und siiner Bestiigigsgschicht isch s Matterhorn eine vo de bekanntiste Bärg uf dr Wält. Für d Schwiiz isch es e Wohrzeiche und d Touristeattraktion, wo meh as jedi anderi foigrafiert wird.

Dr Bärg befindet sich in de Walliser Alpe zwüsche Zermatt und Breuil-Cervinia. D Ost-, d Nord- und d Westwand lige uf schwiizerischem, d Südwand uf italiänischem Staatsgebiet.

[ändere] Gschicht vom Name

1581 isch s Matterhorn zum erste Mol as Mont Cervin erwähnt worde, spöter au as Mons Silvanus und Mons Silvius. Us em Johr 1682 isch dr Name Matterhorn überlieferet. Dr dütsch Name Matterhorn leitet sich vermuetlig vo «Matte» ab, also vo dr Matte im Dal underhalb vo dr Gornerschlucht, wo hüte fast komplett vom Dorf Zermatt («zur Matt») bedeckt isch.

D Lokalbevölkerig sait em Bärg au ds'Hore (= s Horn, Zermatter Dialäkt) oder ds'Horu (= s Horn, Oberwalliser Dialäkt).

[ändere] Geologii

S Matterhorn ghört zur Dent Blanche-Decki vom Unter-Ostalpin, aso eme Drümmerstück von ere ostalpine Decki, wo wit gege Weste uf die penninische Deckene vo de Westalpe gschobe worden isch. D Basis vom Matterhorn, also bis zur Hörnlihütte, bis uf e Matterhorngletscher und dr Furgggroot, isch penninisch, aso westalpin. S Horn sälber ghört zur Dent-Blanche-Decki – und zwar dr underi Deil bis zur «Achsle» zur Arolla-Serii und dr obersti Deil zur Valpelline-Serii vo dr Dent-Blanche-Decki. Die beide geologische Drennlinie an dr Basis und an dr Achsle cha mä uf em Hauptfoti obe gseh, wemm mä sich mit Geologii uskennt. E Laie gseht uf däm Bild d Wald- und d Schneegränze und sust nid vil.

[ändere] Galerii

S Zmutt-Dal bi Zermatt. S Matterhorn (linggs) und d Dent d'Hérens (rächts).
Südsite vom Skigebiet Breuil-Cervinia us gseh.
Blick uf as Matterhorn vo dr Dalstation Furi-Seilbahn z Zermatt.
Blick uf s Matterhorn während em Ufstiig zur Hörnlihütte underhalb vom Hörnligroot.
Nordsite mit Zermatt im Vordergrund
Westwand mit Pic Tyndall und Galleria Carrel (us eme Helikopter)
Typischi Wolkeformation am Matterhorn
Blick uf s Matterhorn und d Dent d'Hérens vo dr Tête Blanche.
Panorama Matterhorn und Monte-Rosa-Gruppe
Matterhorn, vom Gornergroot us gseh.