La Neuvillette (Marne)

Us der alemannische Wikipedia, der freie Dialäkt-Enzyklopedy


Frankrich
Frankrich
Wappe vun dr Region
Wappe vun dr Region
La Neuvillette
Wappe Kart
La Neuvillette
Lag vo La Neuvillette in Frankrich
Basisdate
Stààt Frànkrich
Region Grand Est
Département Marne
Arrondissement Reims
Kanton Reims
Kommünàlverbànd Grand Reims
Geographischi Lag: 49° 17′ 20″ N 4° 00′ 19″ O
Heh m
Iiwooner 1.567 (1968)
Flech km²
Boschtleitzàhl 51100
INSEE-Code 51401
Dialäkt: Mìlhüüserdiitsch

La Neuvillette LL-Q150 (fra)-Mathieu Kappler-La Neuvillette.wav [la nøvilɛt](info) ìsch a ehamooliga frànzeescha Gmainda ìm Département Marne. Zitter’m 30. Dezamber 1970 gheert s’ Dorf züa dr Gmainda Reims. Hìtt laawa-n-ìm Viartel äbba 3.000 Iiwoohner.

Geogràfii un Verkeehr[ändere | Quälltäxt bearbeite]

Karte
s’ Gebiat vu La Neuvillette

La Neuvillette lììgt uff dr Nàzionààlschtrooss 44 zwìscha Reims un Saint-Thierry. D’ Hàuiptàcksa vum Viartel ìsch d’ Avenue Nationale, wo sìch mìt dr RN 44 bedäckt. Uff dara Schtrooss ìsch dr Verkeehr sehr grooss: Doo fààhra tààglig äbba 840 Làschtkràftwààga so wia 16.000 Wààga zwìscha Laon un Reims.[1][2] Vu dr süüdliga Granz vum Viartel àà wìrd d’ Avenue Nationale dur d’ Avenue de Laon bis àm Schtàdzäntrum verlängert.

La Neuvillette wìrd àm Oschta vu dr Départements-Schtrooss RD 966 begranzt. Àn dr Süüdoschtgranz ìsch uff dara Schtrooss a Brucka ìwwer’m Boulevard des Tondeurs, wo La Neuvillette mìt’m Reimser Viartel Neuchâtel verbìndet. Dur dia Brucka kààt maa-n-aifàch bis ìns Schtàdtzäntrum fààhra.[3] Grààd neerdligt vu La Neuvillette fààhrt d’ Otobàhn A 28, wo vu Troyes bis Cambrai làuift. Dur d’ Otobàhnkriizung Nr. 15 (La Neuvillette)[4] kààt maa-n-uff d’ Avenue Nationale fààhra.[5]

Urschprung vum Nàmma[ändere | Quälltäxt bearbeite]

Ìn dr Gschìcht ìsch dr Nàmma vum Dorf ìsch unter verschììdana Forma ärwäähnt worra:[6]

  • Nova villa ànna 1182
  • Villa Nostra de Monte Remensi ànna 1195
  • Nova Villa de Monte Remensi ànna 1260
  • La Nueville à Mont-Rancien ànna 1322
  • Nova villa juxta Remis ànna 1328
  • Novavilla prope Remis ànna 1340
  • La Nuefville en Morrencien ànna 1389
  • La Neufville dit le Chastel de l'Arcevesque ànna 1433
  • La Neuefville en Mont-Rainssien ànna 1496
  • La Neuville-lez-Reims ànna 1556
  • La Neufvillette-lez-Reims ànna 1621
  • La Neufville-en-Morancienne ànna 1728
  • La Neuvillette ànna 1771

Gschìcht[ändere | Quälltäxt bearbeite]

Ànna 1789 ìsch La Nevillette a salbschtandiga Gmainda worra. Ànna 1822 ìsch sa àwwer ìn d’ Gmainda Courcy iiglììdert worra. Ànna 1870 ìsch d’ Gmainda La Neuvillette wììder uffgschtällt worra, dàsmol mìt’ma greessera Gebiat — d’rfìr hàt maa Gebiater vu Courcy, Reims, Saint-Thierry un Bétheny uffgetailt.

Àm 10. Nowamber 1890 ìsch àm Ufer vum Aisne-Kànààl d’ Glààsbloosaräi vu La Neuvillette grìnda worra. Doo hàt maa Fläscha fìr Champàgner hargschtällt. Fìr d’ Àrwaiter hàt maa z’ La Neuvillette vììla Hiiser bàuia.[7] Ìn da Joohra 1890/91 ìsch bii da Glààsbloosaräija vu Courcy un La Neuvillette a groossa gwarkschàftliga Beweegung gsìì gsìì. Àm 5. Mai 1896 hàt dr Härr de Tassigny d’ Laitung vu dr näija Glààsbloosaräija-Gsällschàft vu La Neuvillette ìwwernumma. D’ Fàwrìk ìsch ìm Äärschta Waltkriag zärschteert worra un ìsch nia wììder uffbàuija worra. Noh-n-em Waltkriag ìsch d’ Gmainda-n-àm 1. Oktoower 1920 mìt’m Kriagskriiz üsszaichent worra.

Àm 30. Dezamber 1970 ìsch s’ Gebiat vu La Neuvillette a Viartel vu dr Gmainda Reims worra.[8][9] Ànna 2011 sìnn ìm Viartel La Neuvillette äbba 2.900 Iiwoohner gsìì.[10]

  • d’ Glààsbloosaräi uff’ma Rachnungsblatt dàrgschtällt
    d’ Glààsbloosaräi uff’ma Rachnungsblatt dàrgschtällt
  • d’ Glààsbloosaräi mìt da Schààda vum Äärschta Waltkriag
    d’ Glààsbloosaräi mìt da Schààda vum Äärschta Waltkriag

Äntwìcklung vu dr Beväälkerung[ändere | Quälltäxt bearbeite]

Joohr 1800 1806 1821 1872 1876 1881 1886 1891 1896 1901 1906 1911 1921 1926 1931 1936 1946 1954 1962 1968
Iiwoohner[11] 98 120 125 488 564 685 690 477 529 734 898 907 150 387 444 542 535 608 942 1.567

wàs doo z’ sah ìsch[ändere | Quälltäxt bearbeite]

  • d’ kàthoolischa Kìrìch St-Jean-Baptiste (Johànnis em Taifer), wo noh-n-em Äärschta Waltkriag àb 1930 wììder uffbàuija un ànna 1949 iigwäijt worra-n-ìsch. S’ Gebäi hàt dr Reimser Àrkitäkt Jean de La Morinerie zaichent.[12][13]
  • s’ ehamooliga Rothüüs ìm Schtiil Art Déco, unwitt vu dr Avenue Nationale. S’ Gebäi ìsch bis 2016 àls Viartelrothüüs benutzt worra.[14]
  • s’ Kriagsdankmol vor dr Kìrìch, fìr d’ Gschtoorwana vum Äärschta un Zwaita Waltkriag so wia vum Àlgeeriakriag eehra[15]
  • s’ MacKenzie-Dankmol àm Ufer vum Kànààl, fìr dr àuischtrààlischa Fliager un Löitnànt Ian MacKenzie eehra. Dr MacKenzie hàt üss Brisbane gschtàmmt; wahrem Zwaita Waltkriag ìsch sii Flugzigg àm 15. Àwrìl 1943 ìwwer Reims dur diitscha Truppa nììdergschossa worra. S’ Dankmol hàt dr Bìrgermaischter Gaston Ernst wälla bàuija; d’ Laaser vu dr àuischtrààlischa Zittung The Sunday Mail hann bii dr Ärrìchtung finànziäll mìtghulfa. Z’ La Neuvillette ìsch àui a Schtrooss noh-n-em MacKenzie gnännt (rue Jean-MacKenzie). Bii dr Iiwäijung vum Dankmol ìsch dr frànzeescha Jààgdfliager Pierre Clostermann d’rbii gsìì. Ànna 1972 ìsch ìm MacKenzie siina Müatter zamma mìt’m Reimser Bìrgermaischter Jean Taittinger àm Dankmol kumma ku dr Suhn ehra. Ànna 1983 hàt doo dr Bìrgermaischter Jean Falala a Ààdanka-n-àm Dankmol gmàcht, wu dr Kusää, dr Unteroffiziar Ian MacKenzie, kumma-n-ìsch.[16]
  • d’ Kìrìch St-Jean-Baptiste
    d’ Kìrìch St-Jean-Baptiste
  • s’ Rothüüs vu La Neuvillette
    s’ Rothüüs vu La Neuvillette
  • s’ Kriagsdankmol
    s’ Kriagsdankmol
  • dr Kriagsdankmol biim Ààdanka-n-àm 8. Mai 2018
    dr Kriagsdankmol biim Ààdanka-n-àm 8. Mai 2018
  • s’ MacKenzie-Dankmol
    s’ MacKenzie-Dankmol
  • d’ Brucka-n-ìwwer’m Aisne-Marne-Kànààl uff dr Avenue Nationale
    d’ Brucka-n-ìwwer’m Aisne-Marne-Kànààl uff dr Avenue Nationale

Lìteràtüür[ändere | Quälltäxt bearbeite]

  • Foyer des jeunes et de l'éducation populaire de la Neuvillette (Hrsg.): De Nova Villa de Monte Remensi à la Neuvillette-Les-Reims : ou comment une commune devient un quartier. Imprimerie Berthou, Reims 1991 (französisch, 102 S.).

Weblìnks[ändere | Quälltäxt bearbeite]

 Commons: La Neuvillette – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. ↑ Olivier Durand: Avenue Nationale, à Reims, les riverains excédés par un trafic infernal. In: L’Union. 25. November 2021, archiviert vom Original am 29. Dezember 2023; abgruefen am 29. Dezember 2023 (französisch).
  2. ↑ Olivier Durand: Un mois de travaux en vue, avenue Nationale, à Reims. In: L’Union. 3. November 2021, archiviert vom Original am 29. Dezember 2023; abgruefen am 29. Dezember 2023 (französisch).
  3. ↑ Le pont reliant La Neuvillette au centre de Reims fermé pendant une semaine. In: L’Union. 26. April 2022, archiviert vom Original am 29. Dezember 2023; abgruefen am 29. Dezember 2023 (französisch).
  4. ↑ Autoroute française A26. In: WikiSara. Abgruefen am 5. Januar 2024 (französisch).
  5. ↑ Plan local d’urbanisme Reims – zonage 0. (PDF) Schtàdtverwàltung Reims, archiviert vom Original am 5. Januar 2024; abgruefen am 5. Januar 2023 (französisch).
  6. ↑ Auguste Longnon: Dictionnaire topographique du département de la Marne. Imprimerie nationale, Pàriis 1891 (französisch).
  7. ↑ La cité de la verrerie de La Neuvillette à Reims de 1913 à nos jours. In: L’Union. 13. April 2018, archiviert vom Original am 29. Dezember 2023; abgruefen am 29. Dezember 2023 (französisch).
  8. ↑ Commune de La Neuvillette (51401). Institut national de la statistique et des études économiques (INSEE), archiviert vom Original am 29. Dezember 2023; abgruefen am 29. Dezember 2023 (französisch).
  9. ↑ Véronique Valette: Il y a juste 50 ans, La Neuvillette fusionne avec Reims. In: ReimsAvant. 30. Dezember 2020, archiviert vom Original am 27. September 2022; abgruefen am 29. Dezember 2023 (französisch).
  10. ↑ Julien Debant: La Neuvillette. « De la commune au quartier ». In: L’hebdo du vendredi. 18. März 2011, archiviert vom Original am 29. Dezember 2023; abgruefen am 29. Dezember 2023 (französisch).
  11. ↑ Ldh/EHESS/Cassini
  12. ↑ Eglise Saint Jean Baptiste de la Neuvillette. In: Plan interactif de Reims. Schtàdtverwàltung Reims, abgruefen am 29. Dezember 2023 (französisch).
  13. ↑ a pààr Bìlder vu dr Kìrìch bii Clochers de France (frànzeesch, àbgrüafa-n-àm 29. Dezamber 2023).
  14. ↑ Olivier Durand: À Reims, des projets pour l’ancienne mairie de la Neuvillette. In: L’Union. 19. November 2021, archiviert vom Original am 29. Dezember 2023; abgruefen am 29. Dezember 2023 (französisch).
  15. ↑ Reims (51100) : La Neuvillette. In: Les monuments aux morts : France, Belgique, autres pays. Üniwärsiteet Lille, abgruefen am 29. Dezember 2023 (französisch).
  16. ↑ Jean-Pierre Husson: Le monument MacKenzie de Reims. Schüalàkàdemii vu Reims, archiviert vom Original am 29. Dezember 2023; abgruefen am 29. Dezember 2023 (französisch).
Dä Artikel basiert uff ere fräie Übersetzig vu dere Version vum Artikel „La_Neuvillette_(Marne)“ vu de französische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=La_Neuvillette_(Marne)&oldid=1051818"