Kinshasa

Us der alemannische Wikipedia, der freie Dialäkt-Enzyklopedy
Kinshasa
Kinshasa (Demokratische Republik Kongo)
Kinshasa (Demokratische Republik Kongo)
Kinshasa
Kinshasa
Kinshasa
Koordinate 4° 20′ S, 15° 19′ OKoordinate: 4° 20′ S, 15° 19′ O
Lage
Symbole
Fahne
Fahne
Fahne
Basisdate
Staat Demokratische Republik Kongo

Hauptstadtdistrikt

Kinshasa
Höchi 350 m
Flechi 9965 km²
Iiwooner 17.000.721 (1. Jänner 2017)
Dichti 1706 Ew./km²
Website www.kinshasa.cd
Politik
Gouverneur André Kimbuta Yango
Kinshasa, Kongo, 2001
Gombe
Léopoldville am Pool Malebo im 19. Johrhundert
Boulevard du 30 juin
dr International Flughafe
Birogebei Flughafe Kinshasa
s Hauptgebei vu dr Universitet Kinshasa
s Nationalstadion Stade des Martyrs

Kinshasa (bis 3. Mai 1966 frz. Léopoldville, Churzform frz. Léoville, ndl. Leopoldstad) isch d Hauptstadt vu dr Demokratische Republik Kongo.

Algemeins[ändere | Quälltäxt bearbeite]

D Stadt het öpe 12 Millione Yywohner,[1] d Agglomeration Kinshasa-Brazzaville öpe 14 Millione (2010)[2] un isch dodermit hinter Kairo un Lagos di drittgrescht Stadt vu Afrika.

Dr Hauptstadtdischtrikt vu dr Neutrale Stadt (frz. Ville neutre) het dr Status vun ere Brovinz un wird vun eme Gouverneur regiert, wu vum Bresidänt ernännt wird. Kinshasa isch s bolitisch, wirtschaftlig un kulturäll Zäntrum vum Land. D Stadt isch Sitz vu dr kongolesische Regierig, em Barlemänt, vu allne staatlige Zäntralbeherde un vu vyle diplomatische Verdrättige.

Kinshasa isch dr wichtigscht Verchehrschnopf vum Land mit em internationale Flughafe Aéroport international de Ndjili un s het e Huffe Universitete, Hochschuele un Museeä.

Geografy[ändere | Quälltäxt bearbeite]

Kinshasa lyt am Pool Malebo am Kongo-Fluss diräktvis-à-vis vu Brazzaville, dr Hauptstadt vu dr Republik Kongo, 350 Meter iber em Meeresspiegel.

Vor em Durbruch durch d Niderguineaschwelle staut sich dr wasserrych Kongo zuen eme See uf, em Pool Malebo, wu rund 30 Kilometer lang, 21 Kilometer brait un maximal 16 Meter dief isch.

Dr Kongo isch erscht oberhalb vum Pool Malebo schiffbar.

S Verwaltigsbiet vu dr Hauptstadt het e Flechi vu 9.965 Quadratkilometer. Dodervu het ellai di im Oschte gläge Kommune Maluku mit 7.948,8 Quadratkilometer e Aadail vu rund 80 Brozänt.

Stadtgliderig[ändere | Quälltäxt bearbeite]

Kinshasa glideret sich in 24 Gmaine (communes).

  • Bandalungwa
  • Barumbu
  • Bumbu
  • Gombe
  • Kalamu
  • Kasa-Vubu
  • Kimbanseke
  • Kinshasa
  • Kintambo
  • Kisenso
  • Lemba
  • Limete
  • Lingwala
  • Makala
  • Maluku
  • Masina
  • Matete
  • Mont Ngafula
  • Ndjili
  • Ngaba
  • Ngaliema
  • Ngiri-Ngiri
  • Nsele
  • Selembao

Klima[ändere | Quälltäxt bearbeite]

D Stadt lyt in dr tropische Klimazone. D Johresdurschnittstämperatur lyt bi 25,3 Grad Celsius, di jehrlig mittler Niderschlagsmängi bi 1.378 Millimeter. Di durschnittlige Tämperature lige s ganz Johr zwische 22 un 27 Grad. Di wermschte Monet sin Merz un April mit durschnittli 26,7 bis 26,8 Grad Celsius, dr chielscht dr Juli mit 22,0 Grad Celsius im Mittel. Haupträgezyt isch zwische Oktober un Mai. Dr maischt Niderschlag het s im Novämber mit durschnittli 236 Millimeter, dr wenigscht vu Juni bis Augschte mit ai bis fimf Millimeter im Mittel.

Gschicht[ändere | Quälltäxt bearbeite]

D Sidlig isch am 3. Dezämber 1881 vum Henry Morton Stanley as Handelsboschte grindet un zue Ehre vum domolige belgische Chenig Leopold II. Léopoldville gnännt. 1885 bis 1908 isch s Kongobecki mitsamt syym Hinterland Privataigetum vum Leopold II un Schaublatz vu dr berichtigte Kongogreiel. 1898 sich d Yysebahn zue dr ischtestadt Matadi fertiggstellt wore. No dr Verlegig vu dr Hauptstadt vu Belgisch-Kongo vu Boma uf Léopoldville anne 1923 isch d Stadt waidli gwagse.

Léopoldville het um d Mitti vu dr 1930er Johr rund 40.000 Yywohner ghaa, dodervu uugfehr 2.500 Europäer. 1945 isch d Yywohnerzahl uf 100.000 gschetzt wore. Bis aafangs 1950er Johr isch d Zahl uf 250.000 gstiige, dodervu 15.000 Europäer. In däre Zyt het d Stadt au ne Hochschuel iberchuu. Adminischtrativ isch d Universitet Lovanium an di Katholisch Universitet Löwen aaglideret gsii.

Vor dr Unabhängigkait isch Léopoldville us ere Europäerstadt un ere Afrikanerstadt (Quartier Indigène) bstande, d Bewohner vun aine hän dr ander Dail no 21 Uhr zobe nimi derfe ohni Sonderuuswys bedrätte. Um 1950 het d Stadt s grescht Sportstadion vum Kongo iberchuu, mit 70.000 Blätz.

Anne 1960 isch Léopoldville mit rund 400.000 Yywohner di grescht Stadt vu Zäntralafrika gsii. Mit dr Unabhängigkait isch s d Haupstadt vu dr unabhängige Demokratische Republik Kongo wore. No dr Machtibernahm vum Mobutu Sese Seko anne 1965 isch Léopoldville im Johr 1966 umgnännt wore noch em Name vum ehmolige Dorf Kinshasa, wu im Stadtbiet lyt.

Im Septämber 1996 het im Oschte vum Land, versterkt unter anderem dur Flichtlingsstrem vu Ruanda un Burundi, e Rebellion aagfange unter dr Fierig vum Laurent-Désiré Kabila, wu militerisch vu Ruanda un Uganda unterstitzt woren isch. Em Kabila isch am 16. Mai 1997 dr Sturz vum alte, schwär chranke un international mittlerwyli isolierte Mobutu glunge. Dr Kabila isch mit syne Druppe z Kinshasa yyzoge un het sich am 29. Mai 1997 zum neie Bresidänt erklert.

Yywohner[ändere | Quälltäxt bearbeite]

Johr Yywohner
1920 1.600
1936 40.300
1938 35.900
1939 42.000
1947 126.100
1957 299.800
1959 402.500
1967 901.520
1968 1.052.500
Johr Yywohner
1970 1.323.039
1974 1.990.700
1976 2.443.900
1984 2.664.309
1991 3.804.000
1994 4.655.313
2003 6.786.000
2005 7.787.832
2010 8.900.721

Kultur un Böuwärch[ändere | Quälltäxt bearbeite]

  • Musee National de Kinshasa
  • Musée de l’Université de Kinshasa
  • Cité de l'OUA

Bildig un Forschig[ändere | Quälltäxt bearbeite]

  • Université de Kinshasa (UNIKIN)
  • Université américaine de Kinshasa
  • Université cardinal Malula
  • Université chrétienne de Kinshasa (UCKIN)
  • Université centrale de Kinshasa
  • Université Kinshasa Binza
  • Université libre de Kinshasa (ULK)
  • Université pédagogique nationale (UPN)
  • Université protestante du Congo (UPC)
  • Université Simon Kimbangu
  • Université William Booth (UWB)
  • Académie des Beaux-Arts
  • Centre interdisciplinaires pour l’éducation permanente (CIDEP)
  • Institut des bâtiments et des travaux publics (IBTP)
  • Institut facultaire des sciences de l'information et de la communication (IFASIC)
  • Institut national des Arts (INA)
  • Institut supérieur de commerce (ISC)
  • Institut supérieur des techniques appliquées (ISTA)
  • Institut Supérieur de Statistique de Kinshasa (I.S.S./KIN)
  • Institut supérieur des arts et métiers (ISAM)
  • Institut supérieur pédagogique (ISP)
  • Facultés catholiques de Kinshasa (FACAKIN)

Partnerstedt[ändere | Quälltäxt bearbeite]

  • Bologna, Italie
  • Brazzaville, Republik Kongo
  • Brüssel, Belgie
  • Dakar, Senegal
  • Ankara, Türkei

Lyt[ändere | Quälltäxt bearbeite]

  • Musemestre Bamba, kongolesische Fueßballspiler
  • Mbala Mbuta Biscotte, kongolesische Fueßballspiler
  • José Bosingwa, portugiesische Fueßballspiler
  • Péguy Luyindula, franzesische Fueßballnationalspiler
  • Claude Makelele, franzesische Fueßballnationalspiler
  • Joseph-Albert Malula, Erzbischof vu Kinshasa un Kardinal
  • Cédric Makiadi, dytsche Fueßballspiler
  • Steve Mandanda, franzesischer Fueßballnationalspiler
  • Alain Masudi, kongolesische Fueßballspiler
  • Jessy Matador, kongolesische Sänger un Dänzer
  • Didier Ilunga-Mbenga, belgische Basketballspiler
  • Addy-Waku Menga, kongolesische Fueßballspiler
  • Gaby Mudingayi, belgische Fueßballspiler
  • Geoffrey Mujangi Bia, belgische Fueßballspiler
  • Dikembe Mutombo, kongolesische Basketballspiler (NBA)
  • Danny Mwanga, kongolesische Fueßballspiler
  • Emil Noll, dytsch-kongolesische Fueßballspiler
  • Safi Nyembo, dytsch-kongolesische Fueßballspilerin
  • Hervé Nzelo-Lembi, kongolesisch-belgische Fueßballspiler
  • Nicole & Hugo|Hugo Sigal, belgische Sänger
  • Mohombi, schwedisch-kongolesische Popsänger

Fueßnote[ändere | Quälltäxt bearbeite]

  1. World Gazetteer: Bevölkerung Stadt
  2. World Gazetteer: Bevölkerung Ballungsraum

Weblink[ändere | Quälltäxt bearbeite]

 Commons: Kinshasa – Sammlig vo Multimediadateie
Dä Artikel basiert uff ere fräie Übersetzig vum Artikel „Kinshasa“ vu de dütsche Wikipedia. E Liste vu de Autore un Versione isch do z finde.