Keks

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Weihnachtsplaetzchen schwarz weiss kariert.JPG

Guetzli isch s Alemannischs Wort für Keks. Das heisst, es handlet sich um es Gebäck. Am meischte Guetzli werded ide Wiehnachtsziit bache und gesse. Vieli Husfraue stönd ide Adventsziit stundelang ide Chuchi und bached en huufe verschiedeni Sorte. S'git natürli au Fertigteig zchaufe, aber selbergmacht sinds meistens besser.

S'gaht unter Süessigkeit und isch nid würkli xund, wills viel Fett (i Form vo Butter oder Öl) und Zucker drin het.

Guetzli chammer eigetli i jedem Lebensmittelgschäft oder ide Beckerei poste. Je nach Marke sinds billig aber chönd au sehr tüür sii, wills spezielli Usfüehrige sind. S'git au derig Sorte wo Alkohol drin hend.

Ide Schwiiz werded Guetzli vielfach zu Kafi oder Tee serviert, oder au als chliine Dessert ufeme Tellerli agrichtet dezuegleit. Für chlinneri Chind gitz au spezielli Guetzli, damit mers besser chan hebe, susch hend Guetzli kei vorgschriebni Form oder Gschmacksrichtige.

Sgit jensti Variatione vo Guetzli und en huufe Schwizer guetzlihersteller wie zum Biispiel d Luzerner "HUG", Kambly, Kägi, Midor, Wernli, und anderi.

Zum Wort[ändere | Quälltäxt bearbeite]

S'Wort Gutzeli het innerhalb vum Alemannische Sprochruum unterschiedlichi Bedütige. Näbe dr Bedütig vo "Keks" chas au Bonbons (z.B i dr Baar) oder Marmelade (zum Deil am Hochrhy) bedüte.