Kartoffel
Us der alemannische Wikipedia, der freie Dialäkt-Enzyklopedy
| Härdöpfel | ||||||||||||
|---|---|---|---|---|---|---|---|---|---|---|---|---|
Blüete vo dr Härdöpfelpflanze (Solanum tuberosum) |
||||||||||||
| Systematik | ||||||||||||
|
||||||||||||
| Wüsseschaftlige Name | ||||||||||||
| Solanum tuberosum | ||||||||||||
| L. |
De Härdöpfel (Solanum tuberosum; alemannischi Näme, au Häppere, Ebiere = Erdbirne[1] oder Grumppere = Grundbirne) isch es Nachtschattegwächs, wo urschprünglich us Südamerika schtammt. Im 16. Johrhundert isch de Härdöpfel uf Europa cho. Am Aafang isch er bsunders als exotischi Pflanze mit schöne Blüete i botanische Gärte beliebt gsi. Erscht mit de Ziit het sich di Knolle, wo unter de Ärde düent wachse, als Nahrigsmittel durchgsetzt. Hüt zällt de Herdöpfel zu de wichtige Grundnahrigsmittel.
Zuebereitig [ändere]
De Härdöpfel cha uf ganz unterschidliche Art zubereitet werde und as Hoptspiis, Biilaag oder Gmües uuftischet werde:
- Salzhärdöpfel: D Knolle wird gschält und in Salzwasser kochet.
- Gschwellti: D Knolle wird mit de Schale i nödgsalztem Wasser kochet.
- Röschti: Je nach Region bruucht me roi oder kochti Härdöpfel. De werd grafflet as Flade uf beedne Siite i Butter oder Öl goldgeel bröötlet.
- Härdöpfelstock: Vorgchochti Herdöpfel werdet fii gmale und mit Milch und Wasser zumene Brei gchochet.
- Krokette: Herdöpfelstock werd zu Wörstli grollt und i Öl bröötlet oder frittiert.
- Brootherdöpfel: Herdöpfel werdet i Stückli gschnitte und mit Rosmarii oder andere Gwörz i Öl oder Butter bröötlet (Markgräflerisch: Brothärdebfel = us gchochte Härdepfel, Bräägeli = us raue Härdepfel). En andere Art isch, as de Herdöpfel in e Alufoli gwicklet werd und denn is Füür ineglait.
- Pommfritt: Herdöpfel werded zu Stängeli gschnitte und i haissem Öl frittiert.
- Bflutte: Härdebfel wäre gchocht, gstampft un mit vil Mehl verriert, derzue wäre brägleti Zibele un heißi Milch serviert.
Quälle [ändere]
Weblingg [ändere]
Allmänd (Commons): Kartoffel – Album mit witere Multimediadateie
Wikibooks: Chochbuech, Gricht mit Härdöpfel — Lern- und Lehrmaterialie
- Härdöpfelsorteliste vom dütsche Bundessortenamt (2007) (PDF-Datei; 303 kB)
- Centro Internacional de la Papa bi Lima, Peru
- Zur Gschicht vom Härdöpfel (Innsbrucker Nachrichten 1873)
- Encyclopedia of Life: umfassendi Informatione zur Pflanze (änglisch)
- United Nations International Year of the Potato 2008 (änglisch)
