Kandel (Berg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Kandel
Dr Kandel vum Innenhoft vu dr Hochburg us gsähe

Dr Kandel vum Innenhoft vu dr Hochburg us gsähe

Hechi 1.241 m ü. NN
Lag Bade-Württeberg
Gebirg Schwarzwald
Geografischi Lag 48° 3′ 44″ N, 8° 0′ 43″ O48.0622222222228.01194444444441241Koordinaten: 48° 3′ 44″ N, 8° 0′ 43″ O
Kandel (Berg) (Baden-Württemberg)
Kandel (Berg)
Luftufnahm vum Kandel

Luftufnahm vum Kandel

f

Dr Kandel isch die höchscht Erhebig im Middlere Schwarzwald un dr Husberg vu dr Stadt Waldkilche. D'Höchi betrait 1241 Meter iber NN.

Geologie un Relief[ändere | Quälltäxt bearbeite]

Dr Kandel ghert zum zentralschwarzwälder Gneisbiet. S Bergmassiv isch in syre Großform tektonisch bedingt: D Kandel-Scholle stygt pultfermig vu dr Hochflechi um Sankt Peter no Nordweschte hii aa. Si isch vu Verwerfieg umgee, wu sich dailwys as dytligi Gländskante abzaichne. D Rhyebeni lyt iber 1000 Meter un d Gipfel uf dr änere Syte vum Elzdal 500-600 Meter diefer wie dr Kandel. Dass d Kandel-Scholle gegeniber dr Rhyebeni allno aaghobe wird (1-2 mm/a) zaigt sich ab un zue in lychtere Ärdbidem.

S Kandelmassiv isch vu diefe Däler radial in zem Dail rundligi, zem Dail felsigi Bärgrucke ufglest. Di gääche Haale gehn no Sidweschte (Glotterdal) 600 m aabe, no Nordweschte (Elzdal) 650 m un no Nordoschte (Simonswälder Dal) guet 700 m. Nume no Sidoschte goht dr Bärg ender schlään aabe, Richitg Sankt Peter um 500 m un zue dr Blatte iber dr Zweribachwasserfäll hii um guet 200 m. D Haale im Side, wu s vil Matte het, het e dytlige Yyfluss uf d Thermik un mit dr Gwitterzelle, wu do vilmol entstehn, uf s Wätter im Brysgau.

D Forme vum Gebirgsstock, wu uf yyzytligi Verglätscherige zruckgehn, drätte im Landschaftsbild nume wenig in Erschyynig.

Sport- un Frizittmöglichkeite[ändere | Quälltäxt bearbeite]

Dr Kandel bitet umfangrichi Sport- un Frizittmöglichkeite. Er isch durch e umfangriichs Wägnetz fer Wanderer un Bergradler erschlosse, under anderem durch e Deil vum Schwarzwaldvereinswäg Oberkilche - Waldkilche (Kandelhöchewäg). Dr gross Kandelfelse isch e beliebts Revier fer Kletterer un verfüegt über mehreri Route vu underschidliche Schwirigkeitsgrade. Uf em Gipfel vum Kandel befinde sich zwei Startrampe fer Drache- un Gleitschirmflieger. Im Winter sten zwei Skilift sowie e Langlaufloipe parat.

Dr Astiig vu dr Kandelstross vu Waldkilche zum Gipfelpass uf 1200 Meter Höchi ghört mit sinene 900 Höchemeter uf 10 km Längi zue dr beliebteschte AAstiig in dr Region.

Ereigniss rund um dr Kandel[ändere | Quälltäxt bearbeite]

Dr ober Deil vum Kandelfelse, die sognennt Deifelskanzle, isch anno 1981, in dr Walpurgisnacht vum 30. April zum 1. Mai abbroche. Öppe 2000 Kubikmeter Gstei hän sich gleest un liigè zum Deil noch hüt underhalb vum Felse.

Anno 2001 isch die dritt Etappe vu dr Dütschlandtour über dr Berg gange, wo fer einigi Rennfahrer bsunders im undere Beriich hinderem Aldersbach zue ere herte Prüefig worre isch. Dr Udo Bölts isch als erschter uffem Gipfelpass gsi.

Am 5. Dezember 2004 het sich im Ruum Südbade e Erdbebe vu dr Stärchi 5,43 uf dr Richterskala ereignet. S'Epizentrum isch öppe 12 km underem Kandelmassiv gläge).

Am 13. August 2005 het im Ramme vu dr Regio-Tour e Bergzittfahre vu Waldkilche uf dr Kandel stattgfunde. Beschter Radler isch dr Tony Martin mit ere Zitt vu 33 Minute un 43 Sekunde worre. (Hobbyfahrer bruche nabzues nit vil wäniger Zit).

Weblink[ändere | Quälltäxt bearbeite]

 Allmänd (Commons): Kandel (Schwarzwald) – Sammlig vo witere Multimediadateie