Heidi Maria Glössner

D Heidi Maria Glössner (* 20. Oktober 1943 z Meßkirch) isch e Schwyzer Film- un Theaterschauspiileri.

Lääbe

D Glössner isch by re Fryndin vu ire Mueter im st. gallische Uzwil ufgwagse.

Si het d Schauspiilschuel z Züri absolviert un het Engaschmänt an e baar Biine in dr Schwyz, z Dytschland un z Eeschtryych ghaa. Vu 1987 bis 2008 het si ooni Unterbruch am Stdttheater Bärn un am LozärnerTheater gspiiltun het deert no Hyfe vu Ufdritt, eppe in s Schillers Maria Stuart un s Goethes Iphigenie auf Tauris, as „Grande Dame“ vum Ensemble gulte.

Anne 2006 het si im Film Die Herbstzeitlosen – em erfolgryycschte Schwyzer Kinofilm syt Die Schweizermacher vu 1978 – aini vu dr Hauptrolle (Lisi) gspiilt un isch doodermit eme braitere Publikum bekannt woore. 2008 het si ne Hauptroll as Aneschthesischti in Tag und Nacht gspiilt, ere Dokter-Serie vum Schwyzer Fäärnsee.

Filmografy (Uuswaal)

• 1992: Tatort: Marion
• 1994: Tatort: Herrenboxer
• 2000: Kilimanjaro
• 2002: Swiss Love
• 2003: Hildes Reise
• 2004: Lilo und Fredi
• 2006: Süssigkeiten
• 2006: Handyman
• 2006: Die Herbstzeitlosen
• 2008: Tag und Nacht
• 2009: Verstrickt und Zugenäht
• 2010: Sonntagsvierer
• 2012: Liebe und andere Unfälle
• 2013: Das Alte Haus
• 2015: Usfahrt Oerlike
• 2015: Ewige Jugend (Youth)
• 2018: Der Bestatter
• 2018: Tatort: Die Musik stirbt zuletzt

Literatur

• Jean Grädel: Heidi Maria Glössner. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 722 f.

Weblink

• Heidi Maria Glössner in dr Internet Movie Database
• Bericht (Interview) mit Bild in dr Coopzytig

Dä Artikel basiert uff ere fräie Übersetzig vu dere Version vum Artikel „Heidi_Maria_Glössner“ vu de dütsche Wikipedia. E Liste vu de Autore un Versione isch do z finde.