Greuthungen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Greuthuhnge (Greuthungi, Greothingi, Γρουθίγγοι) sind e germanisches Volch gsii und au Ostrogothi oder Austrogoti (Ostgote) gnennt wore. Si hend bis 376 di nordpontischi Ebini nördlich vom Schwarze Meer biwont, zwöschet de Flüss Bug und Don. Da Land hend si Oium (got. *Aujom »Aue«) gnennt.

Um 370 het de König Ermanarich öber d Greuthunge gherrscht. Nochdem de ane 375 bim Iifall vo de Hune gstorben isch, sind d Greuthunge vom hunnische König Balamber underworfe wore. E grosse Tail aber isch under de Heerfüerer Alatheus und Saphrac ane 376 öber d Donau is Römische Riich gfloche. Im Joor 386 sind e Tail vo de Greuthunge underem Odotheus i de römische Provinz Phrygia i de hütige Türkai agsidlet wore.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  • Der Neue Pauly, Bd. 4: Greuthungi