Donnerstag

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Donnschtig esch de viert Tag i de Wuche (noch de DIN 1355 sit 1976), noch de christlich/jüdische Zellig de füft.

De Donnschtig isch nach em germanische Gott Donar (Donner) benannt, nochem Vorbild vom römische dies Jovis, em "Tag vom Jupiter", wo nöd nu de König vo de Götter gsi isch, sondern au de Blitz as Waffe gfüert het.

I andre Teil vom allemanische sägt ma a Dunnschtig oder Dunschtag, imene Tail vom Wallis und bi de Südwalser sait mer au Frontag.

Spezielli Donnschtig[ändere | Quälltäxt bearbeite]

S gäb do ou no de Schmotzig Donnschtig, das esch de Tag wo a vilne Ort amigs d Fasnacht eröffnet werd. De Grüedonnschtig oder Hohe Donnschtig isch de Tag vor em Karfriitig i de Osterwuche. Au d Uffert isch alewil ame Donnschtig. A däne Ort, wo Fronlychnam no en Fyrtig isch, wörd au dä ame Donnschtig gfyred, und sos uf de nögscht Sonntig verschobe.