Bundesrat (Deutschland)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Bundesrat isch z Dütschland es wichitgs Verfassigsorgan, wo d'Bundesländer (mängisch o numme "Länder") uf de Bundesebne vertritt. Ei vo de wichtigschte Ufgaabe isch sys Mitwürke byr Verabschidig vomne Gsetz. D Lüt, wo dert albe düe rede und sech Gedanke mache übr d Sache vom Bundestag, ob si da sölle zuestimme, sy vo jeder vo de 16 Landesregierige ausgwählt, da häre z gah. Das heißt, By jedere Landestagswahl cha sech d Zämmesetzig vom Bundesrat wider verändere. Disi Landtagswahle sy allerdings nid alli zur glyche Zyt. Numme mängisch sy es paar glychzytig. Usserdäm spilt dr Bundesrat, by Aaglegeheite vor EU e Rolle.

Mängisch seit me äm o Länderchämmerli (eigentlech "Länderkammer").

Preußisches Herrehuus, Sitz vom Bundesrat, ir Leipziger Straß
Blick y de Vorhof vom Preußische Herrehuus
Preußisches Herrehuus so öppe 1900

Sitz[ändere | Quälltäxt bearbeite]

Dr Bundesrat isch syt em Jahr 2000 im sogenannte Preußische Herrehuus z Berlin. Vorhär isch är (ab 1949) im Bundeshuus z Bonn gsy. Im Jahr 2000 isch d Bundeshouptstadt vo Dütschland nid meh Bonn sondern Berlin gsy. Da sy fasch alli Regierigsiirichtige u anderi Verfassigsorgane mit irne Büros uf Berlin züglet.

Ufgaabe u Befugnisse[ändere | Quälltäxt bearbeite]

Dür de Bundesrat würke nach de Vorschrifte vom Grundgsetz (Artiku 50) "d Länder by de Gsetzgebig u Verwaltig vom Bund und y Aaglegeheite vor Europäischi Union" mit. Wägem Artiku 79 cha disi grundsätzlichi Mitwürkig nid emau dür e Änderig vom Grundgsetz abgschaft wärde. Däm seit me f Hochdütsch "Ewigkeitsklausel". Nid alli Gsetze bruuche d'Zuestimmig vom Bundesrat. Aber dä Aateil vo zuestimmigspflichtige Gsetz isch able no übr 50 Prozänt aagstige. Villicht ou wäg dr Rächtsprächig vom Bundesverfassigsgricht. ursprünglech het me d Mitwürkig vom bundesrat by de Gsetze wäg dr Erfahrig vo de Länder iigführt. Schließlech hets die ja scho viu früecher als d Bundesrepublik gäh, es sy de halt Fürschtetümer gsy. Inzwüsche isch disi Mitwürkig allerdings ou wägem Inhalt vo de Gsetz no da. Parteipolitik spilt by däm ou a großi Rolle. So chame vermuete, dass zum Bispil d großi Koalition us CDU/CSU und SPD byr Föderalismusreform 2006 d Kompetänze meh a d Länder hey abgäh, wil fasch alli Bundesländer vor CDU regiert wärde. Auso isch es ke Machtverluscht. Gnauso het o Gsetzesentwürf vor letschte Rot-grueni Regierig gäh, wo bym Bundesrat ke zuegstimmig überko hei, wil dert fasch nummer Lüt vor CDU gsässe sy. Und ganz ähnlichi Gsetz wärde jitz vor neue CDU-Regierig vorgschage und überkomme natürlech d zuestimmig. 2004 het d Föderalismuskommision probiert, dä Aateil vo zuestimmigspflichtige Gsetz z'sänke, hets de aber gliich verjufflet.

Es paar vo wichtigschte ufgaabe vo de Länder, wo dr Bund nid allz'vil z'säge het[ändere | Quälltäxt bearbeite]

  • Bildigspolitik
  • d Polizei isch (Bis uf d Bundespolizei, dr fruecher bundesgränzschutz) Ländersach.

Links[ändere | Quälltäxt bearbeite]