Bistum St. Gallen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Bistum Sangalle hüt

S Bistum Sangalle (lat.: Dioecesis Sancti Galli) isch e Diözese vo de römisch-katholische Chirche i de Schwiz.

S Bistum Sangalle isch am 8. April 1847 gründet worde. S Gebiet hät vorher zum Bistum Konstanz bezihigswys zum Bistum Chur ghört. Di ehemolig exempti Fürstabtei Sangalle hät bis 1805 för en grosse Tail vom Gebiet vom hütige Bistum fast alle bischöfliche Rächt gha.

Als Kathedrale dienet em Bischof d Stiftskerche vom ehemolige Chloster und er wohnt au i de Wohnig vom ehemolige Abt. Patron vom Bistum isch de Heilig Gallus.

Zum Bistum ghört hüt de Kanton Sangalle. Di bede Kantön Appezäll Usserroode und Inneroode send diräkt em Vatikan understellt und dromm cha ken Pfarrer us em Appezäll Bischof vo Sangalle wäre. De Bischof vo Sangalle isch aber im Uuftrag vom Papst förs Appezällerland zueständig.

Kathedrale vo Sangalle

Gliderig[ändere | Quälltäxt bearbeite]

S Bistum Sangalle isch i 8 Dekanat und 142 Pfarreie undertailt. D Näme vo de Dekanat im Uhrzeigersinn: Sangalle, Rorschach, Altstetta, Sargans, Uznach, Wil/Wattwil, Goosse und Appezäll.

Gallus-Ostercherze

Gedänkjohr[ändere | Quälltäxt bearbeite]

I de Seelsorg lait s Bistum under em Motto "ganz schön heilig" thematischi Schwerpünkt.[1] Im Johr 2009 isch es de Otmar, 2010 de Notker und 2011 d Wiborada gsi. S Johr 2012 isch s johr vom Gallus. Es isch drumm au e spezielli Ostercherze zum Gallusjohr gmacht worde.

Lueg au[ändere | Quälltäxt bearbeite]

Ainzelnochwis[ändere | Quälltäxt bearbeite]

  1. ganz schön heilig Bistumsjohr 2009-2012, abgruefe am 14. April 2012