Austrasien

Us der alemannische Wikipedia, der freie Dialäkt-Enzyklopedy

Austrasie oder au Austrie (vo de latiinische Bezeichnige: Austrasia oder Auster) het dr östlig Deil vom Frankereich bezeichnet im Gegensatz zum Westriich Neustrie. Es chann as d Wiegi vo de Karolinger bezeichnet wärde.

[ändere] Gschicht

Austrasie, aso s Land im Oste, isch sit em Dod vom Chlodwig I. im Johr 511 bis zum Pippin em Jüngere meistens e sälbständigs fränkischs Deilkönigriich mit dr Hauptstadt Metz gsi. S Gebiet het die fränkische Gebiet um e Rhii, Maas und Mosel umfasst und näbe Metz d Ort Reims, Köln und Trier, drzue d Gebiet vo de besiigte germanische Stämm: under em erste Deilkönig Theuderich z erst nume Alemannie, spöter au Thüringe und Bayre.

Noch ere Riichseinigung under de Karolinger im 8. Johrhundert si d Näme Austrasie und Neustrie us dr Gschicht verschwunde. Mit de neue Riichsdeilige under de Nochkomme vom Karl em Grosse si im 9. Johrhundert die neue Deilriich Ostfrankeriich und Westfrankeriich entstande.