Neustrien

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Mitteleuropa im früehje Mittelalter

Neustrie oder Neustria isch in dr Ziit vo 511 bis 737 dr nordwestlig Deil vom fränkische Riich zwüsche dr Loire und dr Schelde gsi. Dä Riichsdeil isch immer vo de Merowinger beherrscht worde.

Neustrie het in dr Ziit vo siim Bestoh hüfig Chrieg gege si östlige Nochber Austrasie gfüehrt. Es het au Periode ge, wo s Frankeriich vereinigt gsi isch und beidi Riichsdeil in Personalunion vo eim König gregiert worde si.

Neustrie isch s Nochfolgerriich vom Riich vo Soissons und Vorläufer vom Westfränkische Riich. Siini Herrscher hai alli dr Titel König gha.