150er
Us der alemannische Wikipedia, der freie Dialäkt-Enzyklopedy
Inhaltsverzeichnis |
[ändere] Politik nach Region
[ändere] Römischs Riich
D 150er Johre vu dr christliche Ära stelle im Römische Riich e relativ ruehige Abschnitt dar. S'Riich erfreut sich under dr Regentschaft vum Antoninus Pius vu 138-161 an dr Pax Romana. In Obergermanie wird in sällere Zit dr Limes um öppe 20 km nooch Oste verschobe, was die einzig Erwitterig vum Riich darstellt un offebar ohni e Feldzug verloffe isch.
[ändere] China
Noch em Dod vo dr Kaiserin Liang Na vo dr Han Dynastii spiile d Eunuche e grossi Rolle am chinesische Hof und hai Iifluss uf Politik und Dronfolg.
[ändere] Kultur
- D Geographia wo dr Ptolemaios in sällere Zitt veröffetlicht het, isch dr erst Atlas un insofern e bedütends Werch vu dr Kulturgschichte. Es wird dertdrin au e Oppidum Tarodunum erwähnt, wo mer hytt im Drisamdal bi Friburg im Brisgau lokalisiert un us dem sich wohl d'Ortschafte Zarte un Chilchzarte entwicklet hän.
- Dionysos-Mosaik im ene römische Palast z Köln (1941 näbem Dom entdeckt)
[ändere] Literatur
- Aulus Gellius (öbbe 125 - noch 180): Noctae Atticae (Attischi Nächt), 20 bändigs Wärk über die römischi Literatur und Sproch.
[ändere] Religion
[ändere] Christedum
Die erste Christusbilder stamme us dere Ziit, nochdäm mä vo früehner nume symbolischi Zeiche kennt. In sällere Zitt fasst au s Christetum in dr nordafrikanische Provinze vum Römische Riich, Africa un Mauretania, Fuess.
[ändere] Ereignis noch Johr
[ändere] 150
[ändere] Uf d Wält cho
- Dr Decimus Clodius Septimius Albinus (öbbe 150 - 19. Februar 197), e römische Usurpator
- Dr Xu Shao (150 - 195), e berüehmte chinesische Kommentator under dr östlige Han Dynastii
[ändere] Gstorbe
- D Liang Na (116 - 150), formell Shunlie, d Kaiserin vo dr chinesische Han Dynastii
[ändere] 151
[ändere] Uf d Wält cho
- Dr Zhong Yao (151 – 230), e chinesische Kalligraph und Politiker
[ändere] Gstorbe
- Dr Novatus (öbbe 151), e christlige Heilige
[ändere] 152
[ändere] Uf d Wält cho
- Dr Bao Xin (152 - 192), e chinesische General vo dr östlige Han Dynastii
[ändere] 153
[ändere] Uf d Wält cho
- Dr Kong Rong (153 – 208), e chinesische Dichter und Chriegsfürst
[ändere] 154
[ändere] Uf d Wält cho
- Dr Bardesanes (154 - 222), e syrische Hymnedichter
- Dr Lucius Cassius Dio Cocceianus (s Geburtsjohr isch unsicher), e griechische Historiker
[ändere] Gstorbe
- Dr Pius I. (gstorbe öbbe 154), Pabst
- Dr Ilseong vo Silla (? - 154, Regierigsziit 134-154) Dr Herrscher vom koreanische Königriich Silla
[ändere] 155
[ändere] Uf d Wält cho
- Dr Tsou-Tsou (155 - 220), e chinesische Dichter
- Dr Cáo Cāo (155 – 15. Merz 220), dr vorletscht Kanzler vo der Han Dynastii
- Dr Sun Jian (155 – 191), e chinesische General und Chriegsfürst
[ändere] Gstorbe
- Dr Polykarp vo Smyrna (öbbe 69 – öbbe 155), Bischof vo Smyrna und Mertyrer
[ändere] 156
[ändere] Uf d Wält cho
- Dr Ling vo Han, (Han Ling-ti, (156-189), Kaiser vo dr chinesische Han Dynastii
[ändere] 159
[ändere] Uf d Wält cho
- Dr Marcus Antonius Gordianus Sempronianus Romanus Africanus (öbbe 159 – 12. April, 238), dr Römisch Kaiser im Johr 238.
[ändere] Gstorbe
- Dr Liang Ji, Politiker und General under dr chinesische Han Dynastii
