Dreisam

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: nördl. Markgräflerisch
Dreiseme in Friburg

Die 29 km lang Dreiseme isch e Zuefluss vu dr Elz in Bade (Dytschland).

Flusslauf[ändere | Quälltäxt bearbeite]

Si entstot bi Chilchzarte dur dr Zämmefluss vum Rotbach (Quelle in dr Gegend vum Feldberg) un em Wagesteigbach, fliesst dur Friburg im Brisgau un mündet bi Riegel am Kaiserstuehl in d'Elz.

D Dreiseme yberwindet inklusiv allene Quellbäche un Rinnsale, wo vu dr höchste Stell am Feldberg (1.493 m ü. NN) abifliesse, bis zue dr Gmei Riegel 1.315 m Höchi. D'Imündig in d'Elz lit uf 178 m Höchi.

D Dreiseme isch uf de gsamte Längi vu Chilchzarte bis Riegel kanaliseert.

Hochwasser[ändere | Quälltäxt bearbeite]

Direkt underhalb vu de Imündig in die vocher gnennt Elz zwigt de Leopoldskanal ab, wo s'Wasser vu Dreiseme un Elz direkt im Rhi zuefeehrt. Säller Kanal endet nordwestlich vu Rhihuse bzw. südwestlich vu Rust un direkt westlich vum Naturschutzbiit Taubergieße.

Der Kanal reduziert d'Hochwassergfahr an de Dreiseme bträchtlich, verschärft aber - vor allem will praktisch jeder Rhizuefluss vum Schwarzwald kanaliseert isch - d'Hochwassergfahr am Rhi sälber.

S bedütendst Hochwasser isch im März 1896 gsi, bi dem mehreri Brugge zerstört worre und zwai Mensche umchumme sin. Wil d' Dreiseme inzwische kanaliseert un durch Dämm gsicheret isch, laufe d'Hochwasser in de Regel ohni größeri Schäde ab. Lediglich bim Hochwasser vum 23. Dezember 1991 sin im Oste vu Friburg Schäde dur Iberflutig entstande.

Izugsbiit[ändere | Quälltäxt bearbeite]

S Izugsbiit vu de Drisam umfasst bis Riegel 568 km² Flächi.

Dialäkt: Oberrhiinalemannisch (Kaiserstuehl)

Dr Namme Dreiseme/Dreisam[ändere | Quälltäxt bearbeite]

S Wort Dreiseme kunnt üs em Keltische - noch em F. Paff un em A. Greule mueß des tragisama gheiße ha, des bedittet "wu arg schnäll laüft", do isch also agi zu ei zämmezoge wore. Noch em Badische Werterbuech isch d Wortform Dreiseme z Verstette, z Bahlinge un z Friiburg belegt, ebeso z'Eistett. Z Herdere (Stadtteil vu Friiburg) isch Dreisene belegt. D Wortform Dreisam herrscht aber hit vor, minschtens z Friiburg un eschtlig drvu.

In dr Volksetymologi wird Dreisam als Drei (Flüss) zämme interpretiert, nämli dr Rotbach, dr Wagesteibach un d'Brugga im Dreisamdal.


Weblink[ändere | Quälltäxt bearbeite]