-minu
dr -minu, eigentlig Hans-Peter Hammel (* 16. Juni 1947 z Basel) isch ä Schwiizer Autor und Kolumnischt und ä Basler Stadtoriginal.
Charakteristisch si si exaltierte Schriibstil und sini Homosexualität, won er offensiv zur Schau schdellt. Er isch im Grossruum Basel ä lokali Berüehmtheit, aber au in der übrige Schwiiz und im Elsass kennt män en. Für vili Basler ghört dr -minu zur Schdadt wie s Münschter oder dr Basilisk.
[ändere] Läbe
dr -minu isch uf s Realgymnasium gange und het denn Journalismus gschdudiert. Sit 1967 schriibt er wöchentligi Kolumne für d «Basler Zeitung» und au Gaschtkolumne für anderi Schwiizer Ziitige. Uf Telebasel het dr -minu sit em Johr 2000 än eigeni Chochsändig („Kuchiklatsch“), in welere er Prominenti us der Region mit emä schbeziell uf si zuegschnittene Rezept überrascht. Er isch Autor vo verschiidene Chochbücher, und siini Kolumne und Gschichte si in über 100 Bänd erschiine.
dr -minu läbt sit 38 Johr mit siim Läbenspartner, em Basler Aawalt Christoph Holzach, z Basel, im Elsass und z Italie. Am 5. Januar 2007 hai si ä iidraiti Partnerschaft gschlosse.
[ändere] Wärk
- Basel z'nacht: Ein Foto-Album mit poetischen Texten. GS-Verlag, Basel 1992, ISBN 3-71-850123-6.
- Alltagsgeschichten: Band 7. Opinio Verlag, Basel 1997, ISBN 3-85-815310-9.
- -minu's Basler Küche. Opinio Verlag, Basel 2003, ISBN 3-03-999026-8.
- Etwas andere Weihnachtsgeschichten. Opinio Verlag, Basel 2004, ISBN 3-03999-040-3.
- Der etwas andere Alltag. Glossen. Friedrich Reinhardt-Verlag, Basel 2006, ISBN 3-7245-1417-4.
[ändere] Weblink)
- Literatur vum un iber de -minu im Katalog vu dr Dytsche Nationalbibliothek
- Website von -minu
- -minu's Kuchiklatsch
| Persoonedaate | |
|---|---|
| NAME: | -minu |
| ALTERNATIVNAMEN: | Hammel, Hans-Peter (wirklicher Name) |
| KURZBESCHREIBUNG: | schweizerischer Autor und Kolumnist |
| GEBURTSDATUM: | 16. Juni 1947 |
| GEBURTSORT: | Basel |
| STERBEDATUM: | |
| STERBEORT: | |
