Zieglerhof

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.2520478.692817Koordinate 47° 15′ 7″ N, 8° 41′ 34″ O; CH1903: 694937 / 234218

Dialäkt: Züritüütsch
De Zeiglerhof

De Zieglerhof isch en herrschaftliche barocke Landsitz z Mänidorf am Zürisee. Es isch am öschtliche Rand vom Dorf zwüsched em chline Zieglerhof und em Änd vom alte Dorf gäge s Spital use. Zäme mit em chline Zieglerhof und de Näbeboute gits es wichtigs Ensemble.

De Zieglerhof isch 1729 für de Hauptme Jakob Christoph Ziegler und sin Brüeder, de Ratshärr Leonhard Ziegler us de Familie Ziegler vom Pelikan pout worde. Zum Hof ghöret no anderi Hüüser: es Trotthuus, e groossi Schüür und es Lehehuus. Dem säit mer hüt de chliini Zieglerhof. Säb isch vilicht schor früener gstande. Ales zäme isch vo me Änkel vom Jakob Christoph Ziegler 1787 für 17 000 Gulde em Adjutante und Landrichter Gerold Zuppinger verchauft worde. S Härrschaftshuus isch 1872 in Bsitz vo de Familie Spörry cho. Das sind riichi Fabrikante us Mülhuuse gsi, wo no anderi Hüüser im Dorf und di hütige Seeaalage gha händ.

De Zieglerhof staat traufständig zwüsched de Dorfgass und de Seestraass. Uf de Seesiite isch de Garte, won bis an See füre gaat, hüt dur d Seestraass i zwäi Täil gschnitte. Am See isch au s Bootshuus gsi, won hüt de Gmäind ghört und an Fischerveräin als Klubhuus verpachtet isch. Im Norde und im Oschte vom Zieglerhof isch e erhaltenswärti Grüenflechi; im Oschte isch die aber 2012 verchlineret worde, won d Bärgstraass verläit worden isch. Im Norde isch scho früener di nöii Poscht und no nöcher d Telifonzäntrale poue worde.

Literatur[ändere | Quälltäxt bearbeite]

  • Siedlungs- und Baudenkmäler im Kanton Zürich. Stäfe, 1993: Th Gut.
  • Peter Ziegler: Männedorf. Männedorf, 1975: Gemeinde Männedorf.
  • Etienne Ruedin: Mänidorf, es Läsibuech. Mänidorf, 1990: Eigeverlag.
  • Josef Weinmann und Werner Pfister: Männedorf in alten Ansichten. Zaltenbommel, 1993: Europäische Bibliothek.