S Zentrum für Gschlächderforschig vo dr Uniwersidäät Baasel
| Dialäkt: Baseldütsch |
S Zentrum für Gschlächderforschig vo dr Uniwersidäät Baasel befindet sich am Rhiisprung 21 z Baasel mit dr äinzige Bibliotheek für interdisziplinääri Forschigsliddratuur im Beriich vo dr Gschlächterforschig und dr Feministische Theologii in dr Schwiz.
S Geböid am Rhiisprung 21[ändere | Quälltäxt bearbeite]
S Geböid isch under Dänggmolschutz und stoot am Abhang vom Münsterhüügel uf e Rhii zue. Dr Iigang isch uf em Hüügel im ooberste Stock. Vom Rhii us gsee het s Geböid säggs Stöck.
S Geböid stammt us em 15. Joorhundert und isch emol s stedtische Kornhuus gsi. 1817 het s dr Siidefabrikant Peter Bischoff kauft und zun ere Woonig und Fabrikazioonsrüüm umbaut. Gege s Ändi vom 19. Joorhundert het dr Kantoon d Liigeschaft erworbe und für s Baudepartemänt brucht. Spööter het er s dr Uniwersidäät überloo für s Mathematische Institut.[1] Wo daas mit em Instidut für Informatik zsämmedoo worde isch und 2014 an d Spiegelgass 1 züüglet isch, het d Bausubstanz e grundleegendi Sanierig und Aabassig an die gältende Norme brucht wie Brand- und Ärdbeebeschutz, Zuegang für Behindereti usw. 2015 bis 2016 isch s Geböid renowiert worde.[2]