Wikipedia:Treffen der Wikipedianer/Frühlingstreffen 2018

Di bishärigi Diskussion findsch uf em Stammtisch.

Termiin: Samschtig, 5. Mai, ab em Namittag am 2.

Ort: Sprachpanorama Laufenburg z Lauffeburg im Fricktaal

Bsuechsprogramm

Bi dëm Träffe bsueched mer s Spraache-Museeum Sprachpanorama Laufenburg. S git äxtra für is e Füerig dur d Uusstelig und en chlynen Apéro. Nachane chönd die, wo na lenger de Zyt händ, na zämen öppis go ässe gaa.

Churzbricht

Gruppefoti bim Gränzstei

Derby gsii sin dr al-Qamar, dr Fideli, dr Freigut, dr Holder d MireilleLibmann un dr Pakeha. Mir hän is z viert am Züri HB droffe, hän am Bahnhof z Lauffeburg d Mireille ufgläse un am Sprochpanorama schließli dr Fideli droffe, wu vum Parkblatz im badische Laufeburg durechuu isch. Dr Rudolf Bader, en emeritierte Anglischt, het is dur di drei Steck vu dr Uusstellig im Museum gfiert un is am Änd mit eme Apéro verabschidet. Derno hämer is s Stedtli aagluegt, hän au mol iber dr Rhy in s badisch Laufeburg gluegt un sin zum Schluss bim Fischässe vum Pontoniersportverein Laufenburg glandet. Zletscht nomol e härzlig Dankschen em Freigut fir d Organisation vu däm Dräffe un au ne Dankeschen an Wikimedia CH fir d Ibernahm vu dr Cheschte vum Yydritt un dr Fierig! --Holder (Diskussion) 07:33, 7. Mai 2018 (MESZ)

Myni Bilder us em Sprachpanorama cha mer jetz da aaluege. --Pakeha (Diskussion) 21:18, 9. Mai 2018 (MESZ)