Wettstäihuus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Wettstäihuus
Dialäkt: Baseldütsch
S Nöije Wettstäihuus

Koordinate: 47° 35′ 2″ N, 7° 38′ 58″ O; CH1903: 615856 / 270371 S Wettstäihuus isch e historischs Geböid an dr Baaselstrooss 34 z Rieche. Im Huus si sit 1972 s Spiilzüügmuseum, s Dorf- und s Räbbaumuseum dehäi. S Huus und d Sammlig si Kulturgüeter im Kanton Baasel-Stadt, wo nazionali Bedütig häi.

Dr Naame vom Huus chunnt drvoo, ass im 17. Joorhundert dr Baasler Bürgermäister Johann Rudolf Wettstäi, wo im Westfälische Friide d Drennig vo dr Äidgenosseschaft vom Riich usghandlet het, dört gwoont het. S Huus ghöört sit 1958 dr Gmäind, wo s vo 1968 bis 1971 renowiert het.

S Nöije Wettstäihuus, wo sit 1662 au im Wettstäi ghöört het, isch e historischs Landguet in dr Nööchi an dr Baaselstrooss 30 z Rieche. Es häisst au Lüscherhuus und het usser em Wettstäi emol au em Balthasar Meigel, wo s in de 1560er Joor kauft het und dr erst Baasler Bsitzer gsi isch, em Baasler Rootschriiber Hieronymus Menzinger und non e Hufe andere ghöört.[1]

Fuessnoote[ändere | Quälltäxt bearbeite]

  1. Johann Rudolf Wettsteins Neue Behausung zu Riehen, das alte Meigelsche Landgut (Memento vom 5. März 2016 im Internet Archive) riehener-jahrbuch.ch (1976), abgrüeft am 21. Merz 2015