Werner Mezger

Us der alemannische Wikipedia, der freie Dialäkt-Enzyklopedy
Hops zue: Navigation, Suech
dr Werner Mezger

Dr Werner Mezger (* 10. Juni 1951 z Rautweil) isch e dytsche Germanischt un Volkskundler.

Lääbe[ändere | Quälltäxt bearbeite]

Dr Mezger het s Abitur am Rautweiler Albertus-Magnus-Gimnasium gmacht un derno an dr Universitet Dibenga Germanischtik, Gschicht un Empirischi Kulturwisseschaft studiert. Anne 1975 het er s Staatsexamen abglait un isch im nämlige Johr promoviert wore. Vu 1977 bis 1996 het er im gimnasiale Schueldienscht gschafft. Parallel derzue het er an dr Universität Fryburg Volkskund glehrt. Dr Mezger het si anne 1989 habilitierte mit ere Schrift zue dr Naarenidee un zum Fasnetbruuch. Syter 1996 isch dr Mezger Profässer fir Volkskund z Fryburg un Diräkter vum dertige Institut für Volkskunde der Deutschen des östlichen Europa (friejer Johannes Künzig-Institut für ostdeutsche Volkskunde).

Dr Mezger het e Hufe wisseschaftligi Arbeite zue dr Volkskund mit Schwärpunkt Fasnet publiziert. Doderzue zellen au Rundfunk- un Färnsehsändige iber volks- un landeskundligi Theme. Syt 1992 isch er regelmäßige Kommentator vu dr Live-Iberdragige vum Sidweschtrundfunk (SWR) us dr Fasnet. Anne 2001 het er e Ruef uf dr Lehrstuel fir Volkskund an dr Universitet Bonn abglähnt.

Dr Werner Mezger isch ghyrote un het zwai Chinder.

Syter 2005 isch dr Mezger Mitglid im Kuratorium vu dr Dytsche Chinderchräbsnoosorg − Stiftig fir s chronisch chrank Chind[1] z Villinge-Schwenninge, wu si fir schwärchranki Chinder un däne ihri Familien yysetzt.

Uuszaichnige[ändere | Quälltäxt bearbeite]

  • 1990: Kulturbryys vu dr dytsche Fastnet
  • 2000: Verdienschtmedallie vum Land Bade-Wirttebärg
  • 2001: Bodesee-Literaturbryys vu dr Stadt Iberlinge
  • 2014: Bundesverdienschchryz am Band

Schrifte[ändere | Quälltäxt bearbeite]

  • Schlager. Versuch einer Gesamtdarstellung unter besonderer Berücksichtigung des Musikmarktes der Bundesrepublik Deutschland. Tübinger Vereinigung für Volkskunde, Tübingen 1975
  • Hofnarren im Mittelalter. Vom tieferen Sinn eines seltsamen Amts. Universitätsverlag, Konstanz 1981, ISBN 3-879-40186-1.
  • Narretei und Tradition. Die Rottweiler Fasnet. Theiss, Stuttgart 1984, ISBN 978-3-8062-0378-3.
  • Narrenidee und Fasnachtsbrauch. Studien zum Fortleben des Mittelalters in der europäischen Festkultur. Habilitationsschrift. Universitätsverlag, Konstanz 1991, ISBN 978-3-879-40374-5.
  • Sankt Nikolaus zwischen Kult und Klamauk. Zur Entstehung, Entwicklung und Veränderung der Brauchformen um einen populären Heiligen. Schwabenverlag, Ostfildern 1993, ISBN 978-3-7966-0723-3.
  • Die Bräuche der Abiturienten. Vom Kartengruß zum Supergag. Ein Beitrag zur Schülervolkskunde. Universitätsverlag, Konstanz 1994, ISBN 978-3-879-40438-4.
  • Fasnet in Rottweil. Geschichte und Gegenwart eines Brauchs. Theiss, Stuttgart 1996, ISBN 3-8062-1220-1.
  • Das große Buch der schwäbisch-alemannischen Fasnet. Ursprünge, Entwicklungen und Erscheinungsformen organisierter Narretei in Südwestdeutschland. Theiss, Stuttgart 1999, ISBN 978-3-8062-1221-1.
  • Das Große Buch der Rottweiler Fastnacht. Dold, Vöhrenbach 2004, ISBN 978-3-927677-50-0.

Weblink[ändere | Quälltäxt bearbeite]

 Commons: Werner Mezger – Sammlig vo Multimediadateie

Fueßnote[ändere | Quälltäxt bearbeite]

  1. Deutsche Kinderkrebsnachsorge.
Information icon.svg Dä Artikel basiert uff ere fräie Übersetzig vu dere Version vum Artikel „Werner_Mezger“ vu de dütsche Wikipedia.

E Liste vu de Autore un Versione isch do z finde.