Volkssouveränität

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Begriff vo dr Volkssouveränität ass s Volk dr Souverän in siim Staat isch, d.h. ass äs d Staatsgwalt in siine Händ liit, und dass alli Legitimität vo siim Wille oder siiner Zuestimmig stammt. D Volkssouveränität stoht im Gegesatz zum monarchische Prinzip, wo dr Monarch dr Souverän isch und sis Rächt uf d Staatsgwalt mit historische Rächt legitimiert oder s vom ene 'evidänte' Wille vo Gott abhängig macht. E Verfassig, wenn dr Staat eini het, hängt im erste Fall vom Wille vom Volk, im zweite vo däm vom Monarch ab.

Die modärni Idee vo dr Volkssouveränität isch us de Ideä vo de Philosophe vo dr Ufklärig wie em Thomas Hobbes, em John Locke, und em Jean-Jacques Rousseau gwachse, wo s Zsämmeläbe vo de Mensche vo Verdräg (frz. contrat social) reguliert gseh hai.