Verena Diener

d Verena Diener, 2007

D Verena Diener (* 27. März 1949 z Züri) isch e Schwiizer Politikeri.

s Läbe und d Politik

D Diener het d Priöf vo dr Primarlehreri und dr Legasthenytherapeutin gleert. Gschaffet het si zytewys as Dozäntin für Ökology.

Politisiert het d Verena Diener zerscht as Mitgliid vo de Grüene. 1987 isch si as Nazionalröötin gwählt worde, und vo 1992 bis 1995 isch si d Presidäntin vo de Grüene Schwiiz gsi, und drufabe vo 1995 bis 2007 Regierigsröötin vom Kanton Züri.

Ane 2004 het’s e Striit bi de Grüene gää, und d Diener het mit anderne zäme die Partei verloo; mit em Martin Bäumle het si di Grüenliberal Partei (GLP) vo Züri gründet. Im Joor 2007 isch si für die nöi Partei nomol i Nazionalroot gwählt worde, und im zwöite Wahlgang au grad no i Ständeroot, wo si denn zwöi Wahlperiode lang gsi isch. Denn het si ane 2015 mit dr aktive politische Arbet ufghört.

D Verena Diener isch d Presidäntin vom Verwaltigsroot vo de Soledurner Spitäler.

Weblinks

• Website vo dr Verena Diener