Valser Rhy
| Valser Rhy | ||
 Valser Rhy z Vals | ||
| Date | ||
|---|---|---|
| Gwässerkennzaal | CH: 319 | |
| Laag | Graubünde, Schwiiz | |
| Flusssystem | Rhy | |
| Abfluss über | Glenner → Vorderrhy → Rhy → Nordsee | |
| Quelle | am Rhywaldhorn 46° 31′ 2″ N, 9° 2′ 20″ O | |
| Quellhöchi | 2'390 m ü. M. | |
| Mündig | bi Uors in GlennerKoordinate: 46° 42′ 11″ N, 9° 10′ 51″ O; CH1903: 733228 / 173906 46° 42′ 11″ N, 9° 10′ 51″ O | |
| Mündigshöchi | 853 m ü. M. | |
| Höchiunterschiid | 1537 m | |
| Lengi | 29,5 km[1] | |
| Iizugsgebiet | 186,3 km²[1]
| |
| Stausee | Zervreilasee | |
Dr Valser Rhy isch e Fluss im Quellgebiet vom Vorderrhy im Bündnerland.
Der Fluss foot under em Läntagletscher und em Grauhorngletscher uf dr Nordsyte vom Rhywaldhorn a. Durs Läntatal und über d Lampertschalp chunt er zum Zerfreilasee, emene Stausee, wo di ehemolig Alp Zerfreila zuetekt het. Dr Canalbach vo dr Canalalp, wo ne Sytebach vom Valserrhy isch, dr Horabach und dr Finsterbach sind jetz au Zueflüss vom Zerfreilasee.
Under em See und em Chraftwärch flüsst der Valserrhy durs Valsertaal und d Gmeind Vals. Er nimmt de Peiler Bach, won am Fanellgletscher afoot und under em Fallerbärg durechunt und synersyts en huuffe Sytebech het, de Tomülbach, de Bach usem Träitobel und es baar Bech vo dr Leiseralp uuf und flüsst den dur d Schlucht vo Sankt Martin. Im Biet vo dr Gmeind Lumnezia chunt no dr Tersnausbach in Valserrhy, wo denn noch dr Brugg vo Uors und im Tobel unden a der Burg Überkaschtel mit der Lauränzechile in Glenner ymündet.
E Deil vom Wasser vom Valserrhy lauft vom Zerfreilasee uf d Maschine vom Chraftwärch Zerfreila und denn no wyter bis zum Chraftwärch Rootebrunne im Domleschg.
Bi Camp isch linggs vom Fluss d ARA vo Vals.
Weblink
[ändere | Quälltäxt bearbeite]
Commons: Valser Rhein – Sammlig vo MultimediadateieFuessnoote
[ändere | Quälltäxt bearbeite]- ↑ 1,0 1,1 Schweizerische Eidgenossenschaft, Bundesamt für Landestopographie swisstopo: mapgeo Kartenportal, Messfunktionen