Tschechoslowakische Republik (1945-1948)

Československá Republika (tschechisch und slowakisch) Tschechoslowakischi Republik
1945–1948
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: Die Wahrheit siegt! (Tschechisch Pravda vítězí)
Amtsspraach	Tschechisch, Slowakisch
Hauptstadt	Prag
Staatsoberhaupt	Präsident vo de Tschechoslowakei
Regierigschef	Ministerpräsident vo de Tschechoslowakei
Flächi	140.800 km² (bis 1946, beziehungswis bis 1948), (ab 1946) de facto 127,900 km²
Iiwohnerzahl	12,5 Millione
Bevölkerigsdichti	ca. 78,9 (1946) Iiwohner pro km²
Bevölkerigs­entwicklig	0,25 % (zwische 1946 und 1948) pro Jahr
Brutto­inlands­produkt pro Iiwohner	3,501 $ (1948)
Währig	Tschechoslowakischi Krone
Gründig	4. April 1945
Uflösig	März 1948
Nationalhimne	Kde domov můj und Nad Tatrou sa blýska
Nationalfiirtig	28. Oktober (Staatsgründung 1918)
Zitzone	UTC +01:00
Kfz-Kennzeiche	ČSR
Vorwahl	+42
Fläche und Bevölkerung beziehed sich uf s Johr 1946
Lage und Staatsgebiet der Tschechoslowakei von 1945 bis 1948 Lage und Staatsgebiet der Tschechoslowakei von 1945 bis 1948

Während m Zweite Wätchrieg isch d Tschechoslowakei von de Landcharte Europas verschwunde. D erneute Ufträte vom Staat in de Dritte Tschechoslowakische Republik (tschechisch: Třetí Československá Republika, slowakisch: Tretia Československá republika, amtliches Kürzel ČSR), isch nöd nurs Resultat vo de Politik vo de siegriche westliche Verbündete, Frankriich, Großbritannie und de Vereinigte Staate, sondern au es Indiz für d Stärke vom tschechoslowakische Ideal und hät so erneut d Demokratie, wie i de Erste Tschechoslowakische Republik, verkörpert. Doch am Ändi vom Zweite Weltchrieg isch d Tschechoslowakei teilwis i de sowjetischi Iflussbereich gfalle. Diese Umstand hät Plän oder Strategie für de Widerufbau vom Staat in de Nachkriegszit dominiert. Di politisch und wirtschaftlich Organisation vo de Tschechoslowakei isch i Verhandlunge zwischen m Edvard Beneš und der Kommunistische Partei vo de Tschechoslowakei (KSČ) entschide worde.

Gschicht

Befreiig

D Dritt Tschechoslowakisch Republik isch, mit intensiver Unterstützung dur die i de UdSSR bildete tschechoslowakische Legione, überwiegend dur d Roti Armee befreit worde. Sie hät Bratislava am 4. April und Prag am 9. Mai 1945 igno. De südwestlichi Teil vo Tschechie isch dur d 3. US-Armee (General Patton) befreit worde. In de Hauptstadt ischs zwischm 5. und 9. Mai zum Prager Uftsand cho. D Besetzig vo Prag dur d Rot Armee am 9. Mai hät de Kampf vom tschechoslowakische Widerstand gäge s Naziregime beendet.

Territoriali Neuordnig

D Tschechoslowakei isch i de Gränze vo 1937 widerhergestellt worde; d Karpatenukraine isch trotz de Bsetzig dur d Sowjetunion no bis 1948 Bstandteil vom Staat ksi, bi Bratislava isch zuesätzlich 1946 de sogenannti Pressburger Bruggechopf zu Laste vo Ungarn vergrösseret und en 4'400 km² grosse Landesstreife, wie es im Morgenthau-Plan ursprünglich plant ksi isch, im Osten erworbe worde. Damit isch s die grösst Uusdehnig vo de Tschechoslowakei nach m Zweite Wältchrieg ksi.

1945

Die so genannti Dritti Republik (1945–1948) isch im April 1945 enstande. Denn z Košice isch am 4. April d tschechoslowakischi Exilregierig installiert worde und isch im Mai uf Prag zoge. Si hät s sogenannte Kaschauer Programm erla und hät zahlrichi Parteie verbote. D Bevölkerig vom Land isch vo de sowjetische Befreiig begeistert ksi. No im gliche Jahr isch e Koalition us füf Parteie ufbaut worde.

1946

In de Wahle vom Mai 1946 hät d KSČ über 40% vo de Stimme erhalte und isch d stärchsti Partei ksi. De Edvard Beneš isch trotzdem Präsident vo de Republik, und de Jan Masaryk weiterhin Usseminister blibe. De Klement Gottwald isch neu zum Ministerpräsident worde.

1947

Im Juli 1947 hät d tschechoslowakischi Regierig, mit de Zustimmig vo de KSČ, e Iladig zur Teilnahm am Marshall-Plan übercho. D Sowjetunion hät sofort druf reagiert und hät das underbunde.

1948

Lueg au: Februarumsturz

Im Johr 1948 sind fast alli Postione kommunistisch bsätzd ksi. De Kommunistischi Inneminister hät im Jänner 1948 12 Prager Polizeichefe entlo und sie dur Kommuniste ersetzt. Die Handlig hät grosse Protest im Parlament usglöst und vil nödkommunistischi Minister sind zruggträte. Doch stad Neuwahle isch s zum Februarumsturz cho und de Klement Gottwald isch Präsident worde und hät e neui nur kommunistischi Regierig bildet und e neui Verfassig ufgsetzt.

Bevölkerig

Nach m Zweite Wältchrieg hät d Tschechoslowakei rund 150.000 militärischi und rund 418.000 zivili Opfer z beklage gha, wobi s sich bi 350.000 Tote um Jude ghandlet hät. Ändi 1945 sind rund 100.000 Karpatedütschi us der Slowakei vertribe worde. Im Mai 1945 4,5 Mio. hät d Tschechoslowakei dütschi Iwohner gha. So hät de Staat im Juni 1945 circa 14.882 Mio Iwohner ka. Dur d Vertribig vo de Dütsche isch d Iiwohnerzahl uf ca. 12,5 Mio Iwohner gschrumpft.

Lueg au

• Gschicht vo de Tschechoslowakei
• Kommunistischi Partei vo de Tschechoslowakei

Literatur

• John E. Jessup: A Chronology of Conflict and Resolution, 1945–1985 [Eine Chronologie Konflikt und Auflösung, von 1945 bis 1985] (auf Änglisch). New York: Greenwood Press 1989, ISBN 0-313-24308-5.
• Václav Veber: Osudové únorové dny [Im folgenden schicksalhaften Tag im Februar] (auf Tschechisch). Prag: Lidové noviny 2008, ISBN 978-80-7106-941-6.
• Karel Kaplan: Pravda o Československu 1945–1948 [Wahrheit der Tschechoslowakei von 1945 bis 1948] (auf Tschechisch). Prag: Panorama 1990, ISBN 80-7038-193-0.

Weblinks

 Commons: Tschechoslowakischi Republik (1945–1948) – Sammlig vo Multimediadateie

• Karte der Tschechoslowakei nach dem Morgenthau-Plan
• Vertrag der Freundschaft, gegenseitiger Hilfe und Zusammenarbeit nach dem Kriege zwischen der Tschechoslowakischen Republik und der Union der Sozialistischen Sowjetrepubliken