Tokio

Us der alemannische Wikipedia, der freie Dialäkt-Enzyklopedy
Hochhüser z Tokio
Landsat-Ufnahm vo Tokio und sinere Umgebig

Tokio (au: Tokyo, jap. 東京, Tōkyō aalosse/?) isch d Hauptschadt vo Japan und ligt in de Kantō-Region an de Oschküschte vo de japanische Hauptinsle Honshu. De Name Tokio bedütet «öschtlichi Hauptschtadt» und z Tokio isch au de Sitz vo de Regiirig vom Land und de Palascht vom Tenno, em japanische Kaiser. D Schtadt isch au s Finanz-. Induschtrii-, Handels-, Bildigs- und Kulturzentrum vo Japan und het en Huufe Universitäte, Hochschuele, Forschigsiirichtige, Theater und Musee.

Gschicht[ändere | Quälltäxt bearbeite]

D Gschicht vo de Schtadt fangt im 1446i a, wo de Ota Dokan e Burg in de hütige Bucht vo Tokio het la baue. D Burg het Edo gheisse und rund um di Burg het sich nodisno e Schtadt entwicklet, wo nebe Kyoto zum wichtigschte Zentrum vom Land worde-n-isch. Wo me im 1868 s Shogunat abgschafft het, isch de Tenno uf Edo züglet und d Burg isch zum Kaiserpalascht worde. Gliichzitig het Edo de Name gwächslet und sich öschtlichi Hauptschadt, also Tokio gennt.

Verwaltig[ändere | Quälltäxt bearbeite]

Bis ins 1943 isch d Schtadt Tokio en eigeni Verwaltigseinheit gsi. Dann het me d Schtadtverwaltig ufglöst und di 23 Schtadt-Bezirk zämme mit em weschtlich vo de Schtadt glägene Tama-Gebiet und de südlich glägene Izu- und Ogasawara-Insle zu de Präfektur Tokio zämegfasst.

Weblink[ändere | Quälltäxt bearbeite]

 Commons: Tokio – Sammlig vo Multimediadateie