Kyōto

de Kinkaku oder Goldig Pavilion, e Tämpel z Kyōto

Kyōto isch e Wältstadt z Japan.

Si lyt uf dr japanische Insle Honshu öppe vierhundert Kilometer südweschtlich vo Tokio. D Stadt het 1'467'702 Ywooner (2019).

Bilder vo Kyōto

Gschicht

Ane 794 isch Kyōto nach Heijō-kyō (hüt: Nara) die zwöiti ständigi Hauptstadt vo Japan woorde. Nach erer Krysezyt vo dr Stadt am Ändi vom Mittelalter isch es sid öppe 1580 mit ere wider obsi ggange. Im 17. Joorhundert isch dänn aber s politische Zäntrum vom Land vo Kyōto wägg uf d Oschtsyte vo dr Insle, is hüttige Tokio, gleit woorde. Kyōto isch aber bis 1868 dr Sitz vom Tenno, em japanische Kaiser, plibe.

1889 isch bi dr Reform vo dr japanische Verwaltig die chreisfreji Stadt Kyōto entstande.

Kultur und Bildig

Kyōto gilt als s kulturelle Zäntrum vo Japan. Vil vo iirnen alte Bouwärch sind uf dr Lischte vom UNESCO-Wälterb.

Hütt hät Kyōto es paar Universitääte und vil Induschtry.

Weblink

 Commons: Kyōto – Sammlig vo Multimediadateie

• Website vo der Stadt Kyōto