Tiengen (Freiburg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe vu Friburg
Wappe
Dienge (Freiburg-Tiengen)
Stadtkreis Friburg (FR)
Bade-Wirttebärg, Ditschland
Lag im Stadtkreis Friburg
Basisdate
Stadtdeil mit Ortsverwaltig vu Friburg
Stadtteilnummere: 64 (Bezirk: 640)
iigmeindet sit: 1. Jänner 1973
Geografischi Lag: 47° 59′ 00" N, 07° 42' 50" O
Hechi: 220 m ü. NN
Flechi: 8,38dep1 km²
Iiwohner: 3.294 (31.12.2005)
Bevelkerungsdichti: 393 Iiwohner je km²
Poschtleitzahl: 79112
Vorwahl: 07664
Adress vu de
Verwaltung:
Ortsverwaltung Tiengen
Freiburger Landstraße 28
79112 Freiburg
Internetufdritt: www.freiburg.de
Politik
Ortsvorsteheri: Ruthild Surber
Dialekt: Alemannisch
Hauptvariante: Hochalemannisch
Regionalvariante: Markgräflerisch

Dienge (Gsw-markgräflerisch-Dienge.ogg [ˈd̥ɪəŋə] , amtlich Freiburg-Tiengen) isch e Stadtdeil mit eigener Ortsverwaltig vu dr chreisfreie Stadt Friburg im Brisgau. D'Ortschaft lit ca. 10 km westlich vu dr Stadt am Tuniberg in dr Noochberschaft zu dr Ortschafte Obfige un Munzige. Anno 1973 isch s'Dorf zue Friburg igmeindet worre.

Dr Ort het Ende 2005 knapp 3300 gemeldeti Iwohner gha un e Gmarkig vu 838 ha, wovu 746 ubebaut sin. Dur die östlich Gmarkig verlauft d'Autobahn A5 / E35 mit em Aschluss 63 Friburg Süd. D Bundesstross 31, wo früeher dur dr Ort verloffe isch, isch z'Dienge zue ere Chreisstross rabgstuft worre.

Am Autobahnaschluss, 1 km östlich vum Ort, lit mit em Rüttimattesee e sehr chleine Badesee, östlich vu dr Autobahn im Mooswald dr Arlesemer See, uzuegänglich ime Naturschutzgebit. Witter östlich in dr Nächi vum Friburger Thermalbad lige mitte im Wald d'Schlatthöf.

Dienge het uffem Tuniberg grossi Räbflächene, doch het dr Wibau middlerwili an relativer Bedütig verlore. Dur dr starch Iwohnerzuewachs het sich dr Ort zue ere Pendlergmei entwicklet.

Erstmolig urkundlich erwähnt worre isch Dienge anno 888. Es isch no später under dr Herrschaft vu dr Markgrafe vu Bade chumme un dorum in dr Reformation evangelisch worre. Sälli Zueghörigkeit macht sich au im örtliche alemannische Dialekt bemerkbar, wo wie im glichfalls in dr Reformation protestantisch worrene Obfige zum Hochalemannische zellt. Degege schwätzt mer im in dr Reformationszitt katholisch blibene Munzige e nideralemannische Dialekt.

Politik[ändere | Quälltäxt bearbeite]

Ortschaftsrot[ändere | Quälltäxt bearbeite]

Ergebnis vu dr Ortschaftsrotswahl am 7. Juni 2009:

  • Freie Wählervereinigung Tiengen: 49,2 %, 6 Sitz
  • SPD + Unabhängige Bürger/Innen: 24,2 %, 3 Sitz
  • CDU: 26,7 %, 3 Sitz

Quelle un Weblink[ändere | Quälltäxt bearbeite]