Duniberg
Dr Duniberg (amtl. Tuniberg) isch e Erhebig im Brisgau, wo sich mit 314 m Höchi nur wänig iber die Oberrhinisch Diefebeni erhebt, wo dert guet 190 m iber em Meeresspiegel lit.
Säll isch allerdings im wohrschte Sinn vum Wort numme oberflächlich äso. Datsächlich isch dr Duniberg die westlichscht Scholle vu dr Vorbergzone vum Schwarzwald, wo noch us dr Ebeni rusluegt. Dr Steilhang am Weschtrand goht geologisch fascht 4 km dief abi un bildet demit d'Grenze zum eigetliche Grabebruch, wo mit Chies und Sand vu dr Alpe ufgfüllt isch.
Insofern underschidet sich dr Duniberg as e Vorberg vum Schwarzwald geologisch erheblich vum wänig nördlich glägene, vulkanisch prägte Kaiserstuehl. Allerdings isch dr Duniberg wie die undere Häng vum Kaiserstuehl vu mächtige Lessablagerige bedeckt.
Dr Berg het e Nord-Süd-Usdähnig vu öppe 9 km un e Oscht-Wescht-Usdähnig vu 3 km. Rund um dr Duniberg lige, ufglischtet im Uhrezigersinn, im Norde Gottene, im Oschte die zue Friburg im Brisgau ghörige Ortschafte Walterschhofe, Obfige mit Sandichlaus, Dienge un Munzige, im Weschte die zue Brisach ghörige beide Ortschafte Oberrimschige un Niderrimschige sowie Märdinge.
Wibau[ändere | Quälltäxt bearbeite]
Uf dr yberwigende Chalchstei-, Löss-, un Leimböde waxe verschidini Burgunder- un au Müller-Thurgau-Räbe.
Dr Duniberg bildet e eigene badische Wibauberiich (Grosslag "Attilafelse").
