Zum Inhalt springen

Thomas Strobl

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch
dr Thomas Strobl (2025)

Dr Thomas Strobl (* 17. Merz 1960 z Haalbrunn) isch e dytsche Bolitiker (CDU). Syt em 12. Mai 2016 isch er bade-wirttebärgische Inneminischter un stellverdrättende Minischterbresidänt, zerscht im Kabinett Kretschmann II, syt em 12. Mai 2021 im Kabinett Kretschmann III.

Är isch vu 2011 bis 2023 Landesvorsitzer vu dr CDU Bade-Wirttebärg gsii. Vu Dezämber 2012 bis Jänner 2022 isch er ain vu fimf stellverdrättende Vorsitzer vu dr Bundes-CDU gsii un vu Jänner 2014 bis Juni 2016 stellverdrättende Vorsitzer vu dr CDU/CSU-Bundesdagsfraktion.

Uusbildig un Beruef

[ändere | Quälltäxt bearbeite]

Dr Strobl isch z Haalbrunn uf d Wartbergschuel[1] gange un het derno am Haalbrunner Robert-Mayer-Gymnasium anne 1979 Abitur gmacht. Derno het er an dr Universitet Haidelberg Rächtswisseschaft studiert un 1985 mit em erschte juristische Staatsexame abgschlosse. Noch em Referändariat het er 1988 au s zwait Staatsexamen abglait un het derno as wisseschaftlige Mitarbaiter an dr Universitet Haidelberg un speter as barlemäntarische Beroter bim Landdag vu Bade-Wirttebärg gschafft. Syter anne 1996 isch er sälbschtändige Rächtsaawalt z Haalbrunn.

Barteilaufbahn

[ändere | Quälltäxt bearbeite]

As 16-jehrige Schueler het dr Strobl aagfange, si zum erschte Mol bolitisch z engaschiere, wun er zäme mit andere dr Arbeitskreis demokratischer Schüler as Gegegewicht zue dr an syre Schuel seli aktive Jungsozialischte grindet het. 1976 isch er in di Jung Union yydrätten un 1977 au in d CDU.

Vu 1995 bis 2005 isch dr Strobl Vorsitzer vum CDU-Chraisverband Haalbrunn gsii un vu 2001 bis 2011 stellverdrättende Vorsitzer vum CDU-Bezirksverband Nordwirttebärg.

Am 29. April 2005 isch er zum Generalsekretär vu dr CDU Bade-Wirttebärg gwehlt wore. Vu 2008 bis 2010 isch dr Thomas Strobl Vorsitzer vum Bundesfachuusschuss Wirtschafts-, Huushalts- un Finanzbolitik vu dr CDU vu Dytschland gsii.

Am 21. April 2011 het dr Strobl verchindet, ass er uf em Landesbarteidag vu dr CDU Bade-Wirttebärg am 23. Juli 2011 fir d Noofolg vum Stefan Mappus im Amt vum Landesvorsitzer wett kandidiere.[2] Dr Mappus het no dr verlorene Landtagswahl sy Amt z Verfiegig gstellt.[3] Bi dr Wahl het dr Strobl 63,6 Brozänt vu dr Stimmen iberchuu un isch dodermit zum Landesvorsitzer gwehlt wore, sy Gegekandidat Winfried Mack het 36,4 63,6 Brozänt vu dr Stimmen iberchuu.[4] Dr Strobl het si 2014 as Spitzekandidat vu dr CDU Bade-Wirttebärg fir d Landdagswahl 2016 beworbe, isch in dr Mitgliderbefrogig aber em Guido Wolf mit 44,1 % gege 55,9 % vu dr Stimmen unterläge. Bim CDU-Landesparteitag am 13. Novämber 2021 isch er ohni Gegekandidat mit 66,5 % wider zum Landesvorsitzer gwehlt wore. Am 18. Novämber 2023 isch dr Manuel Hagel zue sym Noofolger as Landesvorsitzer gwehlt wore.[5] Vu 2012 bis 2022 isch er ain vu dr fimf stellverdrättende CDU-Vorsitzer uf Bendesebeni gsii.[6]

Abgordnete

[ändere | Quälltäxt bearbeite]

Vu 1989 bis 2016 het dr Strobl em Gmairot vu syre Haimetstadt Haalbrunn aaghert un isch vu 1997 bis 2003 Vorsitzer vu dr CDU-Fraktion gsii. Vu 1994 bis 2012 het er dr Verbandsversammlig vum Regionalverband Hailbronn-Franken aaghert un isch dert bis 2012 au Vorsitzer vu dr CDU-Fraktion gsii.

Vum Spotjohr 1998 bis Juni 2016 isch dr Strobl Mitglid vum Dytsche Bundesdag gsii. Do isch er vu 2002 bis 2005 Stellverdrättende Vorsitzer vum Bundesdagsuusschuss fir Wahlbriefig, Immunitet un Gschäftsornig gsii, vu Novämber 2005 bis 2013 as Vositzer vun em. In dr 17. Wahlperiod (2009–2013) isch er derzue Mitglid vum Elteschterot un Vorsitzer vu dr bade-wirttebärgische CDU-Landesgruppe gsii. Vu 2010 bis 2013 het er si mit em Jens Böhrnsen, em Verdrätter vum Bundesrot, im Vorsitz vum Vermittligsuusschuss abgwächslet. Dr Strobl isch alliwyl iber as diräkt gwehlte Abgordnete vum Wahlchrais Haalbrunn in dr Bundesdag yyzoge. Bi dr Bundesdagswahl 2013 het er do 51,4 % (2009: 44,2 %, 2005: 50,3 %) vu dr Erschtstimmen iberchuu. Wun er zum Landesminischter ernännt woren isch, het er am 3. Juni 2016 sy Bundesdagsmandat niderglait, fir ihn noogruggt isch d Iris Ripsam. Bis 2016 isch dr Strobl Mitglid vu dr Europa-Union Barlemäntariergruppe Dytsche Bundesdag gsii.

Am 12. Mai 2016 isch er im Kabinett Kretschmann II zum Minischter fir Inners, Digitalisierig un Migration, stellverdrättende Minischterbresidänt un Landesbeufdraite fir Verdribeni un Spotuussidler z Bade-Wirttebärg ernännt wore. Bi dr Landdagswahl 2021 het er im Landdagswahlchrais Haalbrunn erfolglos fir e Mandat kandidiert. Syt em 12. Mai 2021 isch er im Kabinett Kretschmann III stellverdrättende Minischterbresidänt un Minischter fir Inners, Digitalisierig un Kommune.

[ändere | Quälltäxt bearbeite]
 Commons: Thomas Strobl – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Wartbergschule Heilbronn (Hrsg.): 50 Jahre Wartbergschule Heilbronn 1959–2009, Heilbronn 2009, S. 100.
  2. ↑ CDU-Vorsitz in Baden-Württemberg: Thomas Strobl soll Mappus nachfolgen. In: FAZ. 21. April 2011
  3. ↑ Stefan Mappus gibt Landesvorsitz der CDU Baden-Württemberg ab. (Memento vom 22. März 2016 im Internet Archive) CDU-Pressemitdailig, 28. Merz 2011
  4. ↑ Mappus-Nachfolge: Südwest-CDU kürt Strobl zu neuem Chef. In: Spiegel. 23. Juli 2011
  5. ↑ Henning Otte: Manuel Hagel soll die CDU führen - 35-Jähriger neuer Landesvorsitzender. In: S. W. R. Aktuell. 19. November 2023, abgruefen am 19. November 2023.
  6. ↑ spiegel.de vum 8. Dezämber 2018: Wen die CDU in Spitzenämter gewählt hat


Dä Artikel basiert uff ere fräie Übersetzig vu dere Version vum Artikel „Thomas_Strobl“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Thomas_Strobl&oldid=1082200"