Guido Wolf

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Guido Wolf, 2013

Dr Guido Wolf (* 28. Septämber 1961 z Wãẽgaade, Landkrais Raveschburg) isch e dytsche Bolitiker (CDU). Syt Mai 2016 isch er im Kabinett Kretschmann II Minischter fir Juschtiz un Europa. Är isch syter anne 2006 Abgordnete im Landdag vu Bade-Wirttebärg. Vu Oktober 2011 bis Jänner 2015 isch er Bresidänt vum Landdag gsii. Dodervor isch er vu 2003 bis 2011 isch er Landrot vum Landkrais Duttlinge gsii.

Uusbildig un Beruef[ändere | Quälltäxt bearbeite]

Dr Wolf isch z Wãẽgaade ufgwachse un het am Spohn-Gymnasium z Raveschburg s Abitur gmacht. Derno het er an dr Universitet Konschtanz Rächtswisseschaft studiert. Noch em Referendariat im Landgrichtsbezirk Raveschburg, bim Landrotsamt Raveschburg un bim Regierigsbresidium Dibenge het er an dr Universitet Konschtanz e Verdiefigsstudium in „Verwaltig un Finanzen“ absolviert.S zwait juristisch Staatsexame het er anne 1988 gmacht.

Bis anne 1991 het dr Wolf derno zerscht bim Landrotsamt Duttlingen as Dezernänt fir Effetligie Sicherhait, Ornig un Verchehr gschafft, derno bis 1992 as persenlige Referänt un Birolaiter fir dr bade-wirttebärgisch Verchehrsminischter Thomas Schäuble. Vu 1992 bis 1994 isch er Richter am Verwaltigsgricht Simmerenge gsii un vu Jänner 1995 bis Oktober 1996 het er as Referatslaiter in dr Grundsatzabdailig vum bade-wirttebärgische Staatsminischterium gschafft.

Bolitischi Laufbahn[ändere | Quälltäxt bearbeite]

Dr Wolf isch anne 1985 in d CDU yydrätte.

Zum 1. Novämber 1996 isch dr Wolf z Nirdenge vum Gmaindsrot zum Erschte Burgermaischter (Bygordnete) gwehlt wore. Am 21. Novämber 2002 het dr Kraisdag vum Landkrais Duttlinge dr Wolf zum Landrot as Noofolger vum Hans Volle gwehlt. Des Amt isch er im Jänner 2003 aadrätte. Anne 2010 isch er mit 44 vu 46 Stimme widergwehlt wore, dr Wolf isch dodrby dr ainzig Kandidat gsii.

Bi dr Landdagswahl 2006 isch dr Wolf im Wahlkrais Duttlinge-Eschinge mit 46 Brozänt[1] as diräkt gwehlten Abgordnete in dr bade-wirttebärgisch Landdag gwehlt wore. In dr 14. Wahlperiod isch er Mitglid vum Innen- un vum Sozialuusschuss gsii. In dr CDU-Landdagsfraktion isch dr Woolf derzue arbetsmärtbolitische Sprächer gsii.

Bi dr Landdagswahl 2011 het dr Wolf mit 46,3 Brozänt im Verglych zue dr letschte Wahl gege dr Landestrend - d CDU het 5,2 Brozäntpinkt verlore - lycht chenne zuelege. Im neie Landdag isch dr Wolf zerscht Mitglid im Finanz- un Wirtschaftsuusschuss un im Innenuusschuss gsii, derzue Vorsitzer vum Finanz- un Wirtschaftsuusschuss. In dr CDU-Landdagsfraktion isch er Mitglid vum Arbetskrais „Finanzen un Wirtschaft“ un „Innebolitik“ gsii un derzue Sprächer fir Aaglägehaite vum effetlige Dienscht.

Am 26. Oktober 2011 isch dr Wolf vu 109 vu dr 138 Abgordnete zum neie Landdagsbresidänt gwehlt wore. Dodruf het dr Kraisdag vum Landkrais Duttlingen am 10. Novämber 2011 em Wolf sym Aadrag uf Entlossig us em Amt as Landrot zuegstumme.[2]

dr Wolf 2014 bin ere Bewärbigsred fir d Spitzekandidatur z Bade-Wirttebärg 2016

Bi dr CDU-Mitgliderbefrogig Ändi 2014 het dr Wolf mit 55,9 Brozänt vu dr Stimme iberchuu. Uf em 66. Landesbarteidag vu dr bade-wirttebärgische CDU am 24. Jänner 2015 z Ulm isch er mit 93,8 Brozänt vu dr Delegiertestimme zum Spitzekandidat bi dr Landdagswahl 2016 gwehlt wore.[3] Är het derno sy Amt as Landdagsbresidänt ufgee.

Bi dr Landdagswahl am 13. Merz het d CDU 12 Brozäntpinkt verlore un isch mit 27 Brozänt vu dr Wehlerstimmen uf s schlächtscht Ergebnis vu dr CDU z Bade-Wirttebärg iberhaupt chuu, derzue nume no zwootsterkschti Bartei no dr Griene.[4]

Syt em 12. Mai 2016 isch dr Wolf im Kabinett Kretschmann II Minischter fir Juschtiz un Europa.

In dr CDU isch dr Wolf Mitglid vum Landesvorstand[5] un vum Kraisvorstand Duttlinge[6]

Persenligs[ändere | Quälltäxt bearbeite]

Dr Wolf isch katholisch un wohnt mit syre Frau Barbara z Duttlinge. Sy Großvater Franz Weiß isch vu 1946 bis 1952 Landwirtschaftsminischter vu Wirttebärg-Hauezollre gsii.

In syre Freizyt schrybt dr Wolf Gedicht uf Schwäbisch, wun er zem Byschpel im Ramme vum Landdagswahlkampf 2006 vordrait het.

Sunschtigs[ändere | Quälltäxt bearbeite]

Dr Wolf isch Ufsichtsrotsvorsitzer vu dr Baugenossenschaft Donau-Baar-Heuberg eG un Mitglid im Stiftungsrat Stiftung Theater Lindenhof.

Sy Wahlkraisbiro unterhaltet dr Wolf zämme mit em Volker Kauder, em Vorsitzer vu dr CDU/CSU-Bundesdagsfraktion, in Ryym vum Bahnhof Duttlinge.

Schrifte[ändere | Quälltäxt bearbeite]

  • Politikergschwätz oder Die Kunst des richtigen Tons, Sindlinger-Burchartz Verlag 1998, Frickenhausen, ISBN 3-928812-20-3

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Statistisches Landesamt Baden-Württemberg
  2. Landtagspräsident Guido Wolf MdL aus seinem Amt als Landrat entlassen Landkreis Tuttlingen, 10. Novämber 2011
  3. Landesparteitag in Ulm: Wolf ist CDU-Spitzenkandidat. Stuttgarter Nachrichten, 2014-01-24. Abgrüeft am 2014-01-24.
  4. Vorläufiges Ergebnis der Landtagswahl am 13. März 2016. Land Baden-Württemberg. In: Statistisches Landesamt Baden-Württemberg, abgruefen am 14. Merz 2016.
  5. Homepage vu dr CDU BW
  6. "mit beratender Stimme": Homepage.
Information icon.svg Dä Artikel basiert uff ere fräie Übersetzig vu dere Version vum Artikel „Guido_Wolf“ vu de dütsche Wikipedia.

E Liste vu de Autore un Versione isch do z finde.