Thomas Poreski

Dr Thomas Poreski (* 21. Oktober 1963 z Dibenga) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.

Uusbildig un Beruef

Dr Poreski isch z Sendelfenga uf s Stiftgymnasium un het dert s Abitur gmacht. Noch em Zivlidienscht an dr Käthe-Kollwitz-Schuel fir Chinder mit ere gaischtige Behinderig z Beblenga het er an dr Evangelische Fachhochschuel Reidlenga Sozialarbet un an dr Universitet Dibenga Pedagogik studiert. Noch em Diplom het er in dr mobile Jugedarbet, dr bolitische Bildig un as wisseschaftlige Mitarbaiter im Bundesdag gschafft. Är unterrichtet syt 20 Johr Chinder-, Juged- un Sozialhilfsrächt. Fimf Johr lang isch er Referänt bim Diakonische Werk vu dr EKD gsii un Mitglid in dr Bundesgschäftsfierig vu dr Evangelische Obdachlosehilf, derno isch er anne 2007 as Gschäftsfierer vu Wohnen plus zum Mariaberg e. V. gwächslet, eme Dreger vu dr Yygliderigshilf fir Behindereti gwächslet. Näbeberueflig git er syt 2009 bim Kurs zum Thema „Rächtsdursetzig fir Mänsche mit Behinderige“ bim Diakonische Institut für soziale Berufe gGmbH z Reidlenga. Derzue entwicklet un verdrybt dr Poreski syt 1997 Spezialfahrreder.

Bolitischi Laufbahn

Syter anne 1984 Mitglied isch dr Preski Mitglid bi dr Griene. Är isch Mitglid im Kraisvorstand vu syre Bartei z Beblenga gsii, syt 2009 isch er Mitglid im Kraisvorstand z Reidlenga. E Zytlang isch er Sprächer un Kassierer vu dr Arbetsgmainschaft „Schuele“ vu dr Landesbartei gsii un vu 1988 bis 2005 gwehlte Redaktor vu dr Mitgliderzytschrift „Grüne Blätter“. Syt 2007 isch er Delegierte bi dr Bundesarbetsgmainschaft Gsundhait un Sozials vu dr Griene.

Bi dr Bundesdagswahle 2005 isch er Kandidat vu dr Griene im Wahlkrais Reidlenga gsii, isch aber nit gwehlt wore.

Bi dr Landdagswahl z Bade-Wirttebärg 2011 isch er mit 25,6 % vu dr Stimmen iber s Zwaitmandat im Wahlkrais Reidlenga in dr Landdag vu Bade-Wirttebärg gwehlt wore. Dert isch er Mitglid vum Bildungsuusschuss, vum Integrations- un vum Sozialuusschuss un vu dr Enquetekommission „Pflege“. Derzue isch er stellverdrättend Mitglid vum Ständigen Uusschuss, vum Wisseschafts-, vum Umwält-, vum Petitionsuusschuss un vum Uusschuss no Artikel 62 vu dr Verfassig (Notbarlemänt) un vu dr Enquetekommission „Rechtsextremismus“. Är isch Sprächer vu syre Bartei fir Sozialbolitik, fir Behindereti un Inklusion un fir Juged, Chinder un Familie.

Sunschtigs Engaschmänt

e baar Johr lang Vorstand un ehrenamtlige Vorsitzer vun eme freie Dreger vu dr Jugedhilf
Mitglid im Ufsichtsrot vu dr Erneuerbare Energien Neckar-Alb eG
Mitglid im Verkehrsclub Deutschland (VCD)
Mitglid im Allgemeinen DeutschernFahrradclub (ADFC)
Mitglid im Allgemeinen Deutschen Automobilclub (ADAC)
Mitglid in dr Reutlinger Initiative deutsche und ausländische Familien gGmbH
Mitglid bi „Kinder haben Rechte“ e. V.

Persenlige

Dr Thomas Poreski isch evangelisch un ghyrote mit dr Reidlenger Kommunalbolitikeri Özlem Isfendiyar. Si hän zämme ne Dochter un e Suhn.

Weblink

Commons: Thomas Poreski – Sammlig vo Multimediadateie