Territorialabtei Wettige-Mehrerau

Us der alemannische Wikipedia, der freie Dialäkt-Enzyklopedy
s Wappe vo Wettige-Mehrerau

Wettige-Mehrerau isch es Zischterziänserchlooster bi Bregänz im Vorarlbärg.

Der offiziell latynisch Name vom Chlooschter isch Abbatia territorialis Beatae Mariae Virginis de Maris Stella et de Augia Maiore.

s alte Chlooschter[ändere | Quälltäxt bearbeite]

Der Graf Ulrich dr Zääti vo Bregänz het s Chlooschter Mehrerau (Augia Maior) im elfte Joorhundert gründet. Der Name chunt drvo, ass dr Platz nooch bim Bodesee isch. Anne 1097 isch dr Bischof Gebhard vo Konstanz d Chile Sankt Peter und Paul cho weihe. Wo Bregänz im Joor 1805 zum Königrych Bayern cho isch, het d Regierig s Chlooschter ufghobe.

s Chlooschter am Bodesee

s nöie Chlooschter[ändere | Quälltäxt bearbeite]

Es halbs Joorhundert drufabe het s Chlooschter wider nöi agfange. Im Kanton Aargau het di radikaali Regierig anne 1841 d Chlööschter ufglööst, au s alte Zischterziänserchlooschter Wettige. Und jetz sind d Mönch vo däm Chlooschter a dr Limet uf Bregänz choo, und dr öschtrychisch-ungarisch Kaiser Franz Joseph het nen erloubt, im alte Chlooschter am Bodesee iire Konvänt yzrichte.

Am 18. Oktober 1854 het s Lääbe vo Wettige-Mehrerau agfange. Dä Konvänt gilt als diräkte Nochfolger vo beidne früenere Chlööschter, däm vo dr Mehrerau und däm bi Wettige, wo Maris stella («Meerstäärn») gheisse het.

Das Bodeseechlooschter isch wichtig gsi für die jüngeri Gschicht vom Oorde vo de Zischterziänser. Ihm ghört au d Wallfahrtschile Birnau.

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Territorialabtei Wettingen-Mehrerau – Sammlig vo Multimediadateie