D Delifonvorwaal z Ööstriich

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Ortsvorwaale z Ööstriich: S Schema entspricht fast de Gränze vo de Bundesländer – s Burgeland, Vorarlbärg, Ostdirool, Däil vo Oberööstriich und s westlige Niiderööstriich si andere Beriich zuegordnet.

D Delifonvorwaal-Kood z Ööstriich wärde vo dr Rundfunk und Telekom Regulierungs-GmbH (RTR) organisiert und verdäilt. Es existiere Vorschrifte und Richtlinie wie d Nummereberiich vrgee wärde. Für d Delifonnummere innerhalb vo de Vorwaalberiich isch dr entsprächend Netzbetriiber verantwortlig: bi regionaale Vorwaale isch das mäistens d A1 Telekom Austria, bi Mobilfunk-Vorwaale dr entsprächend Netzbetriiber etc.).

Dr Ufbau vom Kood[ändere | Quälltäxt bearbeite]

Wie d Delifonnummere gschriibe wärde, isch in Östriich gsetzlig nid vorgschriibe, aber d RTR empfiilt, sich noch dr DIN 5008 z richde.

Dr ersti Blatz bi dr Ortsvorwaal richdet sich meer oder weeniger noch de Bundesländer. Ostdirool (zu Kärnte), Vorarlbärg (zu Dirool), s Burgeland (dr nördlig Däil zu Niiderööstriich, dr südlig Däil zur Stäiermark) und e baar Gränzbezirk in Ooberööstriich (zu Salzburg) und Gebiet in Niiderööstriich (zu Ooberööstriich) si d Usnaame.

Schema[ändere | Quälltäxt bearbeite]

S Iigee von ere ööstriichische Delifonnummere us em Usland goot eso:

Internazionaali Vercheersusschäidigszaal +43 (Länderkood) + Vorwaal (oon d Null am Aafang) + Delifonnummere.

Innerhalb vom Land funkzionierts öbbe eso:

Vorwaal (mit 0) + Delifonnummere

Im Festnetz chan e Nummere im gliiche Vorwaal-Beriich au ooni Vorwaal gweelt wärde. In de Mobilfunknetz funkzioniert daas nume bedingt.

Bi dr Vorwaal handlet es sich um d Vorwaal vom ene Ort, vom ene Mobilfunknetz oder vom ene andere Netz. Sit d Delifonnummere im Mobilfunk portabel si, cha mä nüm sicher sääge, um weles Netz es sich bi dr Vorwaal handlet. Wenn e gweelti Nummere sich daatsächlig im en andere Mobilfunknetz befindet, as mä chönnt erwarte, git s vilmol ä churzi Aasaage bim Ufbau vo dr Verbindig.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]