Swissporarena
| Swissporarena | |
|---|---|
| |
| |
| Luftufnaam vom Stadion | |
| Daate | |
| Ort | Horwerstrasse 91 6005 Luzern, LU
|
| Koordinaten | 665865 / 209499 |
| Äigedümer | Stadion Luzern AG |
| Aafang vom Baue | 2009 |
| Eröffnig | 31. Juli 2011 |
| Ersts Spiil | 31. Juli 2011 FC Luzern – FC Thun 0:0 |
| Oberflechi | Naturrase |
| Chöste | 79,6 Mio. SFr. |
| Archidekt | Daniele Marques Iwan Bühler |
| Kapazidäät | 16'490 Plätze |
| Kapazidäät (internat.) | 16'000 Plätze |
| Spiilflechi | 105 m × 68 m |
| Veräin | |
| Veraastaltige | |
| |
D Swissporarena (Eigeschriibwis: swissporarena) isch es Fuessballstadion i de Schwiizer Stadt Luzern im gliichnamige Kanton. Es befindet sich uf em Grundstück vom ehemalige Stadion Allmänd. S Stadion isch u. a. d Heimspilstätt vom Fuessballverein FC Luzern. S Sponsoringrächt hätt d Swisspor Holding wo z Stans aasässig isch .
Gschicht[ändere | Quälltäxt bearbeite]
Ursprünglich hend di Verantwortliche scho im Früelig 2011 in de Arena spile wele, das isch aber nöd möglich gsii wills verzögerige bim Bau gee het. S erschti Meisterschaftsspiil in de neue Swissporarena isch am 31. Juli 2011 gsii, wo de FC Luzern gegen den FC Thun (0:0) gschpilt hend. S offizielle Iiweihigsspiil vom neue Stadion isch am 3. September gsii. Do hend d Luzerndern gäg de Hamburger SV gspillt. S Spiil isch 2:2 unentschide uusgange.
Bi nationale Sportveraastaltige hets für maximal 17'000 Zuschauer platz, uufteild uf 14'000 Sitzplätz und 3'000 Stehplätz. Bi internationale Uusträgige hets nur Platz für 16'000 Lüüt. D Swissporarena het als ersts Schwiizer Stadion e kombinierti Steh- und Sitzplatztribüne (d Tribüne B). Für Konzert chan mer d Zuschauerkapazität uf bis zu 20'000 Plätz erhöche.[1] S Catering isch ad Gnossenschaft Migros Luzern vergää worde.[2][3]
Näbd em Fuessballstadion fürd Spiil vom FC Luzern het mer in und um d Swissporarena es Hallebad, en Migros, es Migros-Fitnesscenter und e Doppelturnhalle für de Universitätssport bout. A de Südsiite vo de Swissporarena het mer zwei Wohnhochhüüser mit 283 Mietwohnige bout. Die Hochhüüser, wo 77 und 88 Meter höch sind, sind di höchsten Wohngebäude vode Innerschweiz.
Am 14. Juni 2016 het d FC Luzern AG mitteilt, d Swissporarena mit enere Photovoltaikaalag uf em Dach wele uuszstatte. D Montage isch Mitte September 2016 abgschlosse worde. Insgesamt bedeckt die Aalag e Flächi vo 6'862 Quadratmetern. Si söll 900'000 Kilowattstunde Strom lifere, was em jährlichen Verbruuch vo 200 Huushält oder 900 Personen entspricht. De Strom wird is öffentliche Netz iigleited. D Aalag bringt e jährlichi Iisparig vode CO₂-Emissione vo 480 Tonnen.[4]
Weblink[ändere | Quälltäxt bearbeite]
Commons: Swissporarena – Sammlig vo Multimediadateie- Stadion uf de Website vom FC Lozärn
- Swissporarena uf business.luzern.com
- Swissporarena uf europlan-online.de
- Bildergaleri uf stadionwelt.de
- Bildergaleri uf stades.ch
Fuessnote[ändere | Quälltäxt bearbeite]
- ↑ Fakten & Zahlen (Memento vom 12. Augschte 2020 im Internet Archive) uf de Websiite vom FC Luzern.
- ↑ Stadt Luzern: Migros ist Cateringpartner der Swissporarena. In: Luzerner Zeitung. 29. März 2010, abgruefen am 25. November 2021.
- ↑ FCL-Fans können bald mit Karte und Bargeld bezahlen. In: Zentralplus. 19. August 2021, abgruefen am 25. November 2021.
- ↑ Swissporarena wird zum Solarkraftwerk. In: Luzerner Zeitung. 14. Juni 2016, abgruefen am 25. November 2021.