Susanne Hochuli
D Susanne Hochuli (* 26. Auguscht 1965, heimatberechtigt z Reitnau) isch e Schwiizer Politikerin vo de Grüene Partei. Vo 2009 bis 2016 isch si Regirigsrötin im Aargau gsi.
Biografischs
[ändere | Quälltäxt bearbeite]D Susanne Hochuli isch uf em Buurehof vo ire Eltere z Reitnau mit drei Gschwüschterte ufgwachse. D Primar- un d Bezirksschuel het si z Reitnau bsuecht, dann d Diplommittelschuel z Aarau un s Chindergärtnerinneseminar z Brugg. Si isch dann Journalischtin worde un het zwei Johr bi de Bärner Zitig gschaffet. 1990 isch si dann retour cho uf de Hof vo irne Eltre, wo sie 1994 übernoh het.
Si füert zämme mit irem Läbespartner de Hof als Biobetriib un Rithof. D Susanne Hochuli het e Tochter.
2017 isch d Hochuli zur Präsidentin vo de Stiftung für Patientenschutz gwehlt worde.[1]
Politischs
[ändere | Quälltäxt bearbeite]Sit em 2. März 2004 isch d Susanne Hochuli Grossrötin im Aargau un isch derte Mitglid in de Kommissione für öffentlichi Sicherheit un Volkswirtschaft un Abgabe. Am 30. November 2008 isch si zur erschte grüene Regirigsrötin im Aargau gwählt worde. Irs Amt het si im April 2009 as Vorstehere vom Departement für Gsundheit und Sozials agfange. Für d Waale vo 2016 isch si nümmen aträtte.