D Staumuur vom See isch im 1933 fertig gschtellt worde. Si ligt e chli oberhalb vom Chloschter Wettige und ghört de EWZ. Di ursprünglich Konzession für's Chraftwerk isch bis ins 2013 gültig gsi. Um d Johrtusigwänd umme sind aber grösseri Renovationsarbeite notwendig gsi mit Inveschtitionschoschte vo 60 bis 70 Millione Schwiizer Franke, wo bi de kurze Reschtlaufziit nöd wirtschaftlich gsi wäre. Us dem Grund het d EWZ im 1998 en Aatrag uf Verlängerig vo de Konzession gschtellt. So het de Grossi Rot am 16. Januar 2001 e noii Konzession für 80 Johr usgschtellt, wo aber an Umwältuflage knüpft isch gsi, zum Bischpil an de Bau von ere Fischtreppe.
