Sprooche z Öschtriich

D Sprooche vo Öschtryych sind ganz vilfältig.

S Düütsch isch d Hauptsprooch vo Österreich. I dr öschtryychische Bundesvrfassig stoot, es sig die offizielli Staatssprooch.

S Düütsch isch für öppe 88 Prozänt vo dr Bevölkerig d Muettersprooch. Me säit dere Sprooch s Öschtryychische Düütsch, won e Verietäät vo dr ganz vilfältige Düütsche Sprooch isch. Es Bild vo dere Sprooch git s Öschtryychische Wörterbuech.

Drnäbe isch d Mundart bi täil Lüüt als Umgangssprooch wyt verbreitet. Es git z Öschtryych vil verschideni Dialäkt vom Oberdüütsche; die meischte regionale Mundarte ghööre zum Sproochgebiet vom Bairische und es paar im Weschte vom Land zum Alemannische.

Für die Dialäkt gits s Wörterbuech vo de bairische Mundarte z Öschtryych, s Vorarlbärgische Wörterbuech un dr Vorarlbärger Sproochatlas.

Drnäbe redt me bi zimli vilne Lüüt i gwüssne Regioone verschideni Minderhäitesprooche. Und no meh Sprooche sind mit Ywanderer us anderne Sproochgebiet is Land choo.

D Minderhäitesproche vo Öschtryych, wo vom Bundesverfassigsgsetz anerchant wäärde, sind: