Sigrist

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
SiegristWoppe.png

Sigrist isch en alemannische Familiname, wo bsunders i de Schwiiz verbraitet isch.

Forme und Verbraitig vom Name[ändere | Quälltäxt bearbeite]

De Familiname werd nöd aihaitlich gschribe: Sigrist, Sigerist, Sigriz, Siegrist, Siegerist, Siegeris, Siegriß und äänlichi Forme chömet vor.

De Name isch e Bruefsbizaichnig und bidüütet »Chiletiener, Mesmer« oder nordtütsch »Küster«. De Name isch i de Schwiiz und z Südwesttütschland verbraitet und ghört zu verschidnige Familie mit verschidnige Herkunft. Di ältiste Bileeg vom Familiname stamet usem End vom 13. Joorhundert, so ane 1285 Chuonrat der Sigeriste us Riehe im Aargau oder 1296 Berhtolt der Sigeriste vo Friiburg im Briisgi.

Natüürli sind spööter Lüüt mit dem Familiname uusgwanderet, so as de Name hüt au usserhalb vom alemannische Sproochruum vorchunnt.

Verbraitig vom Wort Sigrist[ändere | Quälltäxt bearbeite]

Sigrist (ahd. sigristo; mhd. sigriste) chunnt as Bruefsbizaichnig vor i de Schwiiz mit Uusnaam vo de Ostschwiiz und vo Graubünde, denn im Elsass und imene Tail vom Briisgi: Züripiet, östl. Aargau: sigerscht u.ä.; Bernpiet: sig(e)rischt u. ä.; Wallis und Südwalser: sigruschtu, sigurschtu; Oberelsass: sigrischt; Colmer, Strossburg: sejerscht, säjerscht. S Wort chunnt usem Latiinisch, wo de sacrista en »Tiener imene Hailigtum« isch. Im Bündnerland, i de Ostschwiiz und im übrige alemannische Sproochpiet werd degege s Wort Mesmer oder Mesner bruucht (mhd. mesnære; us lat. mansionarius »Hüeter vom Gotteshuus«), und s hochtütschi Wort dodeför isch Küster (us lat. costurarius »Chammertiener«). Die Wörter chömet au as Familiname vor, z. B. Messmer, Mössner, Kuster, Köster etc.

Woppe[ändere | Quälltäxt bearbeite]

Do de Name vo verschidnig Familene trait werd und bürgerlichi Woppe i de Schwiz aineweg jung sind, isch s Woppe nöd aihaitli. Uf de Bruef bizuug nint s Woppe, wo e geeli Glogge mit drai geele Steerne uf rotem Grund zaigt.

Bikannti Persone mitem Name Sigrist oder Siegrist[ändere | Quälltäxt bearbeite]

  • August Siegrist (1865–1947), Schwiizer Ophthalmolog
  • Karl Siegrist (Bürgermeister) (1862–1944), Bürgermaister vo Charlsrue
  • Karl Siegrist (Berlin), tütsche Ingenieur und Aafüerer vo de Märzrevolutioo ane 1848
  • Stephan Siegrist (* 1972), Schwiizer Extrembergstiiger
  • Ulrich Siegrist (* 1945), Schwiizer Politiker (SVP)

Büecher[ändere | Quälltäxt bearbeite]