Siggenamt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Siggenamt isch es historischs Piet im Kanton Aargau.

Als Verwaltigseinheit het’s es i der Zyt vo der Alten Äiggnosseschaft gää; das het anne 1415 agfange, wo die habsburgischi Grafschaft Baade äignössisch woorden isch, und es isch bis 1798 so gange, wo d Schwiiz vo der französischen Armee eroberet und der helvetisch Staat gründet woorden isch.

Im Siggenamt sin d Bänn vo de hütigen Aargauer Gmeinde Ändige mit em Wyler Underändige, Ännetbaade, Obersiggetaal mit der Oortschaft Chirchdoorff, Tägerfälde, Undersiggetaal und Würelinge gsi.

Im nöie Kanton Aargau isch das alte Piet ufteilt woorde: Ändige, Tägerfälden und Underändige sind jetz im Bezirk Zuurzi und die andere Gmeinde im Bezirk Baade.