Sevdaliza

D’Sevda Alizadeh z’ Los Angeles im Jahr 2018i

D’Sevda Alizadeh (uf Persisch سِودا علیزاده; * 1. Septämber 1987 z'Teheran), hüt unter ihrem Künschtlernamä Sevdaliza bekannt, isch ä niederländisch-iranischi Sängerin, Songwriterin, Tänzerin u Produzäntin.

Churzbiographie

D'Alizade wo am 1. Septäber 1987 z'Teheran isch ufd Wäut cho, het aserbaidschanischi, russischi u persischi Wurzlä. Wo sie füfi isch gsi, isch sie mit ihrärä Familiä uf Holland züglet. Dert het sie ihri Chindheit u Jugend verbracht, bis sie mit 16ni es Basketbaustipändium het becho. Druf abe het sie ir holländische Nationaumannschaft gspiut. Wo sie euter isch wordä, het sie afah Kommunikationswüsseschaftä studierä u het dert drinn ihre Master abgschlossä. Näbscht däm dass sie sportläch u musikalisch erfougriich isch, redt sie d'Sprachä Persisch, Holländisch, Änglisch u Portugiesisch flössig.

D’Sängerin het mitti zwänzgi afah Musik machä u het o a verschidnigä Multimedia-Projekt teilgnoh. Ihres erstä aubum ISON isch am 26. apriu 2017 veröffentlicht wordä. I däm aubum chame iiflüss vo Trip-Hop, experimenäue Pop, R&B, Electronik u traditionäll persischi Musig useghörä.

Mä kennt d’Sevdaliza hüt vor auem für ihres liäd „Alibi“, wo im Jahr 2024i isch henne erfougriich wordä.

Weblinks

 Commons: Sevdaliza – Sammlig vo Multimediadateie

• ihri offiziälli Websitte (änglisch)
• Kanal von Sevdaliza uf YouTube
• d Sevdaliza bi Allmusic (änglisch)ID fählt
• d Sevdaliza bi Discogs (änglisch)
• d Sevdaliza bi MusicBrainz (änglisch)
• dSevdaliza bi SoundCloud
• d Sevdaliza in de Internet Movie Database (änglisch)