Scudilo

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Scudilo (lat. Scudilo; altgriechΣκοδιλών, Skodilṓn; alem. *Skudilo "Chliine Schütz") isch en alemannische Chrieger gsii, wo im Joor 354 as rector scutariorum im römische Heer vom Kaiser Constantius II. dient het und recht hööch agsee gsi isch. Er isch verdöchtig worde, as er zäme mitem Agilo und em Latinus de alemannischi König Vadomari voremene römische Öberfall gwarnt hebi.

Ane 354 isch de Chaiser Constantius II. miteme Heer vo Mailand uss an Rhii zoge und het wöle bi Augusta Raurica de Fluss öberschritte. Doch d Alemane hend chöne verhindere, as d Römer e Brugg baut hend. Drufabe hend ortschundigi Füerer a de Römer e Furt zaigt, aber au do isches a de Römer nöd glunge öber d Rhii is Piet vom Vadomari und sim Brüeder Gundomad zfale. D Alemane hend drufabe, ageblich wel Priester oder Vorzaiche vonere Schlacht abgroote hebid, mit de Römer e Fridesvertraag uusghandlet.

Noch moderne Historiker chönnt de Verdoocht eener useme gwüsse Misstraue gegenöber de germanische Bifelshaber entstande sii, villmee saiet die as Underhändler zu zu Alemane gschickt wore, um e Fride z mache, wa denn au gschee isch [1].

Quelle[ändere | Quälltäxt bearbeite]

Referenze[ändere | Quälltäxt bearbeite]

  1. P.A. Barceló: Roms auswärtige Beziehungen unter der Constantinischen Dynastie (306-363); Dissertation, Regeschburg 1981