Gottfried W. Locher

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
De Gottfried W. Locher (2013)

De Gottfried (Godi) Wilhelm Locher (* 31. Oktober 1966 z Bern) isch en Schwiizer Pfarrer und Theolog. Am 1. Jänner 2011 isch er Presidänt vom Schwiizerische Evangelische Chilebund (SEK) worde, am 1. Jänner 2020 denn de Presidänt vo dem siinere Noochfolger-Organisation, de Evangelisch-reformierte Chile Schwiiz (EKS), worde. Am 27. Mai 2020 isch er Hals über Chopf vo dem Amt zruggträtte.

Brueflichi Statione[ändere | Quälltäxt bearbeite]

Im 1993i isch de Locher zum Verbi Divini Minister ordiniirt wurde. Vom 2001 bis ins 2005 het er d Abteilig für Ussebezihige vom SEK gleitet und isch sit em 2006 Leiter vom Inschtitut für Ökumenischi Studie an de Uni Friburg im Üechtland. Im 2008 het er erfolglos fürs Synodalrotspräsidium vo de Reformierte Chilene Bärn-Jura-Soledurn kandidiirt, isch aber in de Synodalrot gwählt worde. Au isch er Vizepräsident vom Reformierte Wältbund.

D Abgordneteversammlig vom SEK het en bi de Sitzig am 14. Juni 2010 z Herisau für d Amtszit 2011–2014 zum vollamtliche Präsident vom Rot vom SEK gwählt. Spööter isch er amigs widergwählt worde, s letscht Mool aber nümen eso guet.

De Locher hät wele e starchi gsamtschwiizerischi refermierte Chile haa, und am liebschte wäär em gsii, a de Spitze wäär wie bi de Katholike und de Lutheraner en Bischof gstande. Dodemit isch er aber nid durechoo.

Im Früelig 2020 häts i der EKS aber mee und mee afa rumore, e Koleegin vom Locher, d Sabine Brändlin, isch us der Exekutive zruggträtte, und Fraue händ em Gränzverletzige vorgworfe. Uf Druck vo de grosse Landeschile und vo de Fraue hät er denn im Maie de Huet gnoo. D Vorwürf sind nonig gchläärt.[1]

Privats[ändere | Quälltäxt bearbeite]

De Locher isch ghürote, het 3 Chind und läbt z Muri bi Bärn.[2]

Literatur[ändere | Quälltäxt bearbeite]

  • Josef Hochstrasser: Gottfried Locher. Der ‹reformierte Bischof› auf dem Prüfstand. Zytglogge, Oberhofen 2014, ISBN 978-3-7296-0855-9.
  • Philipp Mäder: Gottfried Locher. Der höchste Reformierte im grossen Religions-Interview. In: Schweizer Illustrierte, 3. April 2015. online

Fuessnoote[ändere | Quälltäxt bearbeite]

  1. Simon Hehli: Amouröse Verstrickungen stürzen die reformierte Kirche in die Krise. I: Zürizytig vom 15. Juni 2020.
  2. http://www.reformiert.info/artikel_7169.html (Site cha nüme abgrüeft wärde; Suche im Webarchiv)[1] [2] Vorlage:Toter Link/www.reformiert.info