Evangelisch-reformierti Kantonalchile Schwyz

Us der alemannische Wikipedia, der freie Dialäkt-Enzyklopedy

Di Evangelisch-reformierti Kantonalchile Schwyz isch d reformiert Landeschile im Schwiizer Kanton Schwyz. Sit de Uflösig vom Evangelisch-reformierte Chileverband vo de Zentralschwiiz uf Endi 2002 isch si Mitgliid i der Evangelisch-reformierte Chile Schwiiz.

Gschicht[ändere | Quälltäxt bearbeite]

Di Evangelisch-reformierti Kantonalkirche isch im 1998i entschtande. E Verfassigsänderig vom Kanton Schwyz het d Gründig vo ere Landeschile verlangt. So hei sich di sechs Schwyzer evangelisch-reformierte Chilegmeinde zu ere Landeschile zämmegschlosse. Di Chilegmeinde si sit de Mitti vo de 50er Johr vom letzschte Johrhundert eigeschtändigi öffentlich-rächtlichi Körperschafte gsi, wo au s Rächt hei, Stüüre iizzihe.

Schtruktur[ändere | Quälltäxt bearbeite]

Synode[ändere | Quälltäxt bearbeite]

S oberschti Organ vo de Kantonalchile isch d Synode. Si het 30 Mitglider. Je nach de Aazahl Mitglider vo ere Gmeind, het si ihri Synodali. Gwählt werdet di Synodale vo de jewilige Chilegmeind.

Chilerot[ändere | Quälltäxt bearbeite]

De Schwyzer Chilerot het 6 Mitglieder, wo vo de Synode gwählt werde. De Dekan het e beratendi Schtimm im Chilerot. Präsidiirt wird de Chilerot vo sim Präsident, im Momänt isch des de Heinz Fischer vo Chüsnacht.

Rekurskommission[ändere | Quälltäxt bearbeite]

D Rekurskommission het 3 Mitglider un en Sekretär. Di Mitglider werdet au vo de Synode gwählt un hei di judikativ Gwalt i de Chile inne.

Witeri Organ vo de Kantonalchile[ändere | Quälltäxt bearbeite]

Au d Geschäftsprüfigskommission u s Pfarrkapitel si Organ vo de Schwyzer Chile.

Weblink[ändere | Quälltäxt bearbeite]