Schlüèchtsee

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dè Schlüèchtsee
Schlüèchtsee mit Baddehüsle un Floß

Schlüèchtsee isch èn chlynè Stausee im Südschwarzwald bi Gròòfuusè im Landchrais Waldshuèt un wörd vo dè Schlüècht gschpysè un entwässerèt. Dè Schlüèchtsee wörd zum eintè Deil zum Baddè un Anglè bruucht, zum andrè Deil für è Nadurschutzgebièt.

Iiswyèr[ändere | Quälltäxt bearbeite]

Urschprünglich isch es woll èn Fisch- un evtl. au èn Iiswyèr für diè sit 1791 i dè Nõchi glegeni Ròòthuus-Brauerei gsi.

Dalschperri[ändere | Quälltäxt bearbeite]

Dè Schlüèchtsee lyt zwüschè Gròòfuusè un Roothuus uff übber 900 m Höchi im Südschwarzwald. Dè Schlüèchtsee isch èn Stausee, wo mit ènèm Weer diè jungi Schlüècht öppè èn guètè Kilometer unterhalb vo dè Quällè zuè nèm Wyèr uffgschtaut worrè isch.

Dè Schlüèchtsee wörd durch è chlyns Weer begränzt, wo bim Schlüèchtseehof un am südlichè Rand vom See lyt. Sèll Weer isch eifach an èrè flachè Stell vom Obberè Schlüèchtdal z mitts i s Bachbett ièbaut worrè un isch allei für dè Pegel vom Schlüèchtsee voantwortlich.

Zuè- un Abfluss[ändere | Quälltäxt bearbeite]

Dè Schlüècht, wo in See innè gòt, hèt èrscht öppè 1,5 km vo dè Quällè èwäg zrugg glegt un isch dèmnõch è munzigs Bächle. D Quällè vo dè Schlüècht lyt è bitzele öschtlich vo dè Ròòthuus-Brauerei uff dè Höchi übber 1000 m NHN. Uff sèllèrè Höchi obbè gwǜnnt au d Ròòthuus-Brauerei s Wasser für s Ròòthuus-Bièr[1]. Vom Weer durab flǜèßt dè Bach gu Südè durch è flachs Hochdal un biègt im Dal in Richtung Oscht-Südoscht ab. A dè rächtè Schlüèchthaaldè lyt öppè 15 m obberhalb vom Bach d Dorfmitti vo Gròòfuusè.

Gschichtè[ändere | Quälltäxt bearbeite]

S Kloschter St. Bläsy hèt 1791 èn Iiswyèr für diè nõch glègèni Roothuus-Brauerei bruucht un asè isch diè jungi Schlüècht è bitzeli unterhalb (45 m dǜèfer) un 1,5 km èwäg vo dè Brauerei uffgschtaut worrè. Gly druffhy isch è Textilfärberei dèzuè chò, wo bis i d 1920er Johr eksischtyrt hèt. Uff dè Wisè isch bleicht un s Seewasser zum Färbè bruucht worrè. Èrscht im 20. Johrhundert isch dè Baddebedryb uffgnõ worrè, uss sèllèrè Zit stammt au s hölzerne Baddehüsli. Mit èm Erwärb vom See durch diè schwizer Adelsfamiliè Ernescht vo Adelsheim um 1920 isch Wärt uff Nadurschutz glegt worrè, bsunders vo dè Seerosè. Dè Schutz vo dè Seerosè hèt dènn dè früénère Pächter vom Schlüchtseehof, dè Gold Erich, witter gfüürt. Hüt isch dè Seerosèberych im südlichè Drittel vom See durch Baumschtämm vom Baddeberych drènnt. Am Baddeschtrand git s hüt ußerdèmm èn Kiosk.[2]

Größi un so[ändere | Quälltäxt bearbeite]

D Flächi vom See isch ca. 2,8 ha (0,028 km²) groß, bi nèm Umfang vo knapp 0,73 km. D Flächi vom See [3] bedeggt uff ca. 6 ha (0,06 km²) un lyt uff 914 m Höchi übber NHN, er hèt èn Umfang vo knapp 0,73 km. Gròòfuusè lyt èn guètè Kilometer südweschtlich vom See. D Breiti in Nord-Süd Richtung bedrait 260 Meter un 230 Meter in Wescht-Oscht Richtung. Dè See isch bis zuè füüf Meter dǜèf.[4] Uff halbem Wäg zwǜschè m See un Brauerei lyt s Hüsli. Dè See stòt unter dè Nr. 3.032 mit 8,5 ha als „Schlüèchtsee“ sit èm 11. Oktober 1940 unter Nadurschutz.

Hütigè Gebruuch[ändere | Quälltäxt bearbeite]

Für s Baddè un Anglè isch dè See zimli belièbt. Am See vorby füürt èn Wanderwäg a dè Schlüècht nõch obbè zum Hüsli. Im Hüsli isch è Heimètmuseum dinnè, ußerdèm söll dè Klausjürgen Wussow i dè TV-Seriè D Schwarzwaldklinik im Drèèbuèch nõch aagèblich dört drin innè gwoont haa söllè. S südliche Drittel vom See isch vo dè Mitti, wo dè Baddeberych isch, abdrènnt, um d Seerosè z schützè. S nördliche Drittel isch èbbèfalls abdrènnt, sèllmòl für dè Nadurschutz, well bim Zuèfluss è Auè vo dè Schlüècht isch, wo gschützt wörd.

Luèg au[ändere | Quälltäxt bearbeite]

Literadur[ändere | Quälltäxt bearbeite]

Weblinggs[ändere | Quälltäxt bearbeite]

 Commons: Schlüchtsee – Sammlig vo Multimediadateie

Einzelnõchwys[ändere | Quälltäxt bearbeite]

  1. Infotegscht uff dè obberè Etikettè am Hals vom Ròòthuus-Bièrgütterle git sibbè Quälle um d Brauerei ummè als Quällè aa
  2. Stephan Elsemann: Refugium für Seerosen. Dè Sunntig, S. 4, 2016-08-14. Abgrüeft am 2016-08-17.
  3. Guètachtè vo 1990 für diè blaanti Erwitterung vom Nadurschutzgebièt
  4. Info übber dè Schlüèchtsee. Archiviert vom Original am 2017-01-06. Abgrüeft am 2018-09-15.


47.787298.25833Koordinaten: 47° 47′ 14″ N, 8° 15′ 30″ O

Information icon.svg Dä Artikel basiert uff ere fräie Übersetzig vum Artikel „Schlüchtsee“ vu de dütsche Wikipedia.

E Liste vu de Autore un Versione isch do z finde.